ప్రత్యేక హోదాపై తెలుగు ప్రజలకు కేంద్ర ప్రభుత్వం మూడు నామాలు పెట్టిందని సీపీఐ జాతీయ కార్యదర్శి నారాయణ వ్యాఖ్యానించారు. ఆయన గురువారమిక్కడ విలేకర్లతో మాట్లాడుతూ హోదాపై ఢిల్లీలో వెంకయ్య నాయుడు, విజయవాడలో చంద్రబాబు హైడ్రామా చేశారన్నారు. కేంద్రం నుండి టీడీపీ బయటకు రావాలని నారాయణ డిమాండ్ చేశారు

ప్రశ్నోత్తరాలు ప్రారంభమైన తర్వాత సభలోకి వచ్చిన వైకాపా సభ్యులు స్పీకర్‌ పోడియం వద్దకు చేరుకుని ఆందోళనకు దిగారు. ప్రత్యేక హోదాపై చర్చ చేపట్టాలని డిమాండ్‌ చేశారు. ప్రత్యేక హోదా.. ఆంధ్రుల హక్కు అంటూ నినాదాలు చేశారు. వైకాపా ఆందోళనపై స్పందించిన ఆర్థికమంత్రి యనమల ప్రత్యేక హోదా అశంపై సీఎం ప్రకటన చేస్తారని.. ఆ తర్వాత జరిగే చర్చలో పాల్గొనాలని స్పష్టం చేశారు.

ప్రత్యేక హోదాపై చేతులేత్తిసిన కేంద్రంపై వామపక్షాలు కన్నెర్ర చేశాయి. తొలి నుండి పోరాటం చేస్తున్న వామపక్షాలు ఆందోళనను మరింత ఉధృతం చేశాయి.రాష్ట్ర వ్యాప్తంగా వామపక్షాలు ఆందోళన నిర్వహించాయి.