ఢిల్లీలోని సిపిఎం ప్రధాన కార్యాలయంలో రెండు రోజుల పాటు జరుగుతున్న పార్టీ పొలిట్‌బ్యూరో సమావేశాలకు రాఘవులు హాజరయ్యారు.ఏపీకి 'భిక్షం' మాదిరిగా కేంద్రం అరకొర నిధులు కేటాయిస్తే వాటికోసం చంద్రబాబునాయుడు పడిగాపులు కాస్తున్నారని ఎద్దేవా చేశారు.

ప్రభుత్వ విధానల వల్లే రైతు ఆత్మహత్యలు జరుగుతున్నాయని ఆలిండియా కిసాన్‌ సభ (ఎఐకెఎస్‌) అభిప్రాయపడింది. అఖిల భారత చెరకు రైతుల సంఘం తొలి మహాసభ తమిళనాడులోని ముధురై పట్టణంలో ఆదివారం ప్రారంభమైంది.  ఈ సందర్భంగా విజ్జూక్రిష్ణన్‌ మాట్లాడుతూ ప్రపం చంలో బ్రెజిల్‌ తర్వాత చెరకు ఉత్పత్తిలో ఇండియాదే రెండో స్థానమ న్నారు. చక్కెర వినియోగంలోనూ అదేస్థానంలో ఉన్నామన్నారు. అధికారంలోకి వస్తే చెరకు ఉత్పత్తి ఖర్చుకు 50 శాతం కలిపి ధర నిర్ణయిస్తామన్న మోడీ ప్రభుత్వం హామీని నిలబెట్టుకోవడంలో విఫల మైందన్నారు. పెరిగిన ఎరువుల ధరలు, ప్రభుత్వ విధానల వల్లే రైతులు ఆత్మహత్యలు జరుగుతున్నాయన్నారు.

రాజధాని నిర్మాణానికి రూపొందించామంటున్న మాస్టర్‌ప్లానంతా బూటకమని సిపిఎం రాజధాని ప్రాంత కన్వీనర్‌ సిహెచ్‌. బాబూరావు విమర్శించారు.విజయవాడ ప్రాంతంలోనే రాజధానంటే అంతా ఆనందపడ్డారని, కానీ ప్రభుత్వ విధానాలను చూసి రాజధాని ఇక్కడెందుకంటూ ప్రజలు మనోవేదన చెందుతున్నారని తెలిపారు. కృష్ణా, గుంటూరు జిల్లాల్లో సిఆర్‌డిఎ పరిధిలోని 59 మండలాల భూముల్ని అగ్రికల్చర్‌ ప్రొటెక్షన్‌ జోన్‌గా ప్రకటించి, రాజధాని నిర్మాణంలో ప్రభుత్వం మోసపూరితంగా వ్యవహరిస్తోం దన్నారు. గ్రీన్‌ బెల్డ్‌గా పేర్కొంటున్న ఈ ప్రాంతంలో సామాన్యులు, మధ్య తరగతి ప్రజలు ఇళ్లు నిర్మించుకోవడానికిగాని, ప్లాట్లు కొనుగోలు చేసుకోవడం గాని కుదరదన్నారు.

డిఎస్‌సి -2014 ఫలితాలపై ప్రభుత్వం వెంటనే మెరిట్‌ లిస్టు ప్రకటించి టీచర్‌ పోస్టులు భర్తీ చేయాలని డివైఎఫ్‌ఐ రాష్ట్ర అధ్యక్ష, ప్రధాన కార్యదర్శులు పి.మాధవ్‌, ఎం.సూర్యారావు ప్రకటనలో డిమాండ్‌ చేశారు. ఉద్యోగాలివ్వకుండా ప్రభుత్వం రేషనలైజేషన్‌ పేరిట ఉన్న ఉపాధ్యాయులతోనే సరిపెట్టి, మిగిలిన వారిని వేరే శాఖలో నియమిస్తామని చెబుతోందని ఆందోళన వ్యక్తం చేశారు. దీంతో క్వాలిఫెడ్స్‌ పరిస్థితి అగమ్యగోచరంగా ఉమారిందన్నారు. రాష్ట్ర ప్రభుత్వం మెరిట్‌ లిస్టు ప్రకటించి ఉపాధ్యాయ పోస్టులను భర్తీ చేయకుంటే ఆందోళన చేస్తామని హెచ్చరించారు.

మక్కాలో మహా విషాదం చోటు చేసుకుంది. హజ్‌ యాత్రలో జరిగిన తొక్కిసలాటలో 700 మందికిపైగా మరణించారు. చివరిరి అంకమైన 'జమారత్‌'కోసం మక్కాకు సమీపంలోని'మీనా' (సైతాన్‌ శిల) వద్దకు చేరుకున్న వేలాది మంది యాత్రికులు గురువారం తొక్కిసలాటకు గురి కావటంతో దాదాపు 715 మందికి పైగా ప్రాణాలు కోల్పోయినట్లు ప్రాథమిక సమాచారం ద్వారా తెలుస్తోంది. క్షతగాత్రుల సంఖ్య 800 మందికి పైగానే వుంటుందని ప్రత్యక్ష సాక్షులు చెబుతున్నారు.