ద్రవ్యోల్బణం తగ్గుతున్నదని, ప్రతి ద్రవ్యోల్బణ పరిస్థితులు ఏర్పడే అవకాశాలున్నాయని ప్రభుత్వా ధికారులు విశ్లేషణలు చేస్తున్నారు. హోల్‌సేల్‌ ధరల సూచి 2014 జులై కన్నా 2015 జులైలో 4.05 శాతం తక్కువగా నమోదయిందని, ప్రతి ద్రవ్యోల్బణ పరిస్థితులు ఏర్పడవ చ్చునని, కాబట్టి ఆర్‌బిఐ వడ్డీరేట్లను తగ్గించి, ఆర్థికాభివృద్ధికి దోహదం చేయాలని పెట్టుబడిదారులు, బడా వ్యాపారులు డిమాండు చేస్తున్నారు. ద్రవ్యోల్బణం తగ్గుతున్నది కాబట్టి రిజర్వు బ్యాంక్‌ ఈ నెల 17-18 తేదీలలో జరిగే సమీక్షలో వడ్డీరేట్లను తగ్గిస్తూ నిర్ణయం తీసుకుంటుందని పారిశ్రామికవేత్తలు ఆశాభా వాన్ని వ్యక్తం చేస్తున్నారు.

ప్రభుత్వ విద్యారంగాన్ని నూతన విద్యాసంస్కరణల పేరుతో టిడిపి ప్రభుత్వం భ్రష్టుపట్టిస్తోందని ఎస్‌ఎఫ్‌ఐ రాష్ట్ర అధ్యక్షుడు వై.రాము విమర్శించారు. ఎస్‌ఎఫ్‌ఐ జిల్లా కమిటీ ఆధ్వర్యంలో 10 రోజులపాటు నిర్వహించిన 'విద్యాపరిరక్షణ సైకిల్‌యాత్ర' ముగింపు సభ ఆదివారం స్థానిక జగన్నాథపురం చర్చిస్క్వేర్‌ వద్ద జరిగింది. సభలో రాము మాట్లాడుతూ ప్రభుత్వ విద్యను కేంద్ర, రాష్ట్ర ప్రభుత్వాలు నిర్లక్ష్యం చేస్తున్నాయన్నారు. నూతన సంస్కరణల పేరుతో నిరుపేద విద్యార్థులకు నాణ్యమైన విద్య అందకుండా విద్యావ్యవస్థను భ్రష్టుపట్టిస్తున్నాయని విమర్శించారు.

ప్రజల వద్దకే ఉద్యోగం అని సిఎం చంద్రబాబునాయుడు ప్రకటించడం మరో మోసమని డివైఎఫ్‌ఐ రాష్ట్ర కార్యదర్శి ఎం. సూర్యారావు విమర్శించారు. ఈ మేరకు ఇంటికే ఉద్యోగంపై ముఖ్యమంత్రి చంద్రబాబుకు డివైఎఫ్‌ఐ బహిరంగ లేఖ రాసింది. రాష్ట్రంలో వివిధ శాఖలో ఖాళీగా ఉన్న 1.42 లక్షల పోస్టులను ముందుగా భర్తీ చేయాలని సూర్యారావు కోరారు. రాష్ట్ర ప్రభుత్వానికి ఒక్క పైసా ఖర్చు లేకుండా తిరుమల తిరుపతి ఆలయంలో ఖాళీ పోస్టులను భర్తీ చేయవచ్చన్నారు. కేంద్ర ప్రభుత్వం రాష్ట్రీయ స్వాస్తియ అభియాన్‌ కింద మన రాష్ట్రానికి 752 ఉద్యోగాలు కేటాయించిందన్నారు.