విజయవాడ రాష్ట్రంలో బయటపడిన కాల్ మనీ వ్యవహారంలో ఏపీ సీఎం చంద్రబాబు నాయుడు డబ్బు ఉందని వైసీపీ అధ్యక్షుడు జగన్ తీవ్ర ఆరోపణలు చేశారు. ఆయన డబ్బే కాకుండా ఆ పార్టీకి చెందిన మంత్రులు..ఎంపీలు..ఎమ్మెల్సీల డబ్బు కూడా ఉందని ఆరోపించారు. ఆంధ్రప్రదేశ్ రాష్ట్రంలో జరుగుతున్న పరిణామాలపై వైసీపీ అధ్యక్షుడు జగన్..గవర్నర్ నరసింహన్ కు ఫిర్యాదు చేశారు.

 ఆలూలేదు, చూలూ లేదు అమరావతి అంతర్జాతీయ నగరం అని ఆర్భాటం చేసింది ఆంధ్ర ప్రదేశ్‌ ప్రభుత్వం-ప్రత్యేకించి ముఖ్యమంత్రి చంద్రబాబు నాయుడు ఈ విషయంలో కల్పించిన భ్రమలూ, చేసిన హడావుడి అంతా ఇంతా కాదు. 'సింగపూర్‌ కంపెనీల గొంతెమ్మ కోర్కెలు' శీర్షికతో ఈనాడు పత్రిక డిసె ంబర్‌ 11న ఇచ్చిన వార్త దీనికొనసాగింపే. ఆ వెంటనే సదరు వార్తను సమతుల్యం చేసేందుకన్నట్టు ఆంధ్రజ్యోతి మరో వార్తా కథనం ప్రచురించింది.

ప్రముఖ రచయిత, హేతువాది ఎంఎం కల్బుర్గిపై హత్య జరిగి వంద రోజులు గడుస్తున్న కర్నాటక సిఐడి నిందితులను గుర్తించడంలో విఫలమైంది. దీంతో కర్నాటక ప్రభుత్వం కేసును సిబిఐకు అప్పగించాలని కర్నాటక ముఖ్యమంత్రి సిద్దరామయ్య కేంద్రాన్ని కోరారు.

రాయలసీమకు ఎలాంటి పరిస్థితుల్లో అన్యాయం జరగనివ్వబోమని ఏపీ సీపీఎం రాష్ట్ర కార్యదర్శి మధు పేర్కొన్నారు.రాయలసీమ అభివృద్ధి సమితి అధ్వర్యంలో తిరుపతిలో రాయలసీమ అభివృద్ధిపై నిర్వహించిన చర్చలో పాల్గొన్నారు..అలాంటి ప్రయత్నాలను తాము అడ్డుకుంటామని, రాయలసీమ హక్కుల కోసం పోరాటం చేస్తామని స్పష్టం చేశారు. రైతులకు నష్టపరిహారం ఇవ్వకుండా భూములను స్వాధీనం చేసుకొంటోందని, టిడిపి అధికార దుర్వినియోగానికి పాల్పడుతోందన్నారు.

భారత ప్రధాని నరేంద్రమోడీ అమెరికా ప్రవేశంపై విధించిన నిషేధాన్ని ఎత్తివేస్తూ తీసుకున్న నిర్ణయానికి సంబంధించిన రికార్డులను వచ్చే ఫిబ్రవరి నాటికి తమకు సమర్పించాలని అమెరికా ఫెడరల్‌ కోర్టు న్యాయమూర్తి విదేశాంగశాఖను ఆదేశించారు.