బీజేపీ నేత సుబ్రహ్మణ్యస్వామి పెట్టిన నేషనల్ హెరాల్డ్ కేసులో కాంగ్రెస్ చీఫ్ సోనియాగాంధీ, ఆమె కుమారుడు, పార్టీ ఉపాధ్యక్షుడు రాహుల్‌గాంధీలు కోర్టుకు హాజరవ్వాల్సిందేనంటూ ఢిల్లీ హైకోర్టు స్పష్టంచేయటంతో ఈ కేసుపై రాజకీయ దుమారం చెలరేగింది. తమ పార్టీ నేతలపై బీజేపీ ప్రభుత్వం రాజకీయ కక్షసాధింపునకు పాల్పడుతోందని ఆరోపిస్తూ కాంగ్రెస్ మంగళవారం పార్లమెంటును స్తంభింపజేసింది. అవి నిరాధార ఆరోపణలని తిరస్కరించిన ప్రభుత్వం.. సోనియా, రాహుల్‌లు విచారణను ఎదుర్కోవాలని సూచించింది. కేసు విషయంలో కాంగ్రెస్ చాలా జవాబులు చెప్పాల్సి ఉందంటూ..

ఏపీకి ప్రత్యేక హోదా ఇవ్వాలని డిమాండ్ చేస్తూ ఉద్యమాన్ని తీవ్రతరం చేస్తున్నారు ప్రత్యేక హోదా కమిటీ సభ్యులు. ఉద్దండరాయపాలెం నుంచి మట్టి,నీరు తీసుకువచ్చి ఢిల్లీలోని ఇండియాగేట్ వద్ద కలిపారు. కేంద్రం మాటలతో కాలయాపన చేస్తోందని వెంటనే ఏపీకి విభజన హామీలను అమలు చేయాలని సిపిఐ ఎపి రాష్ట్ర కార్యదర్శి రామకృష్ణ  డిమాండ్ చేశారు. 

స్థానిక సంస్థల ఎమ్మెల్సీ ఎన్నికల్లో తాము పోటీ చేయడం లేదని, తమ పార్టీ ఎంపీటీసీలు, కౌన్సిలర్లు ఓటింగ్‌కు దూరంగా ఉంటారని తెలంగాణా సీపీఐ(ఎం) రాష్ట్ర కార్యదర్శి తమ్మినేని వీరభద్రం తెలిపారు. ఖమ్మంలో మాత్రం సీపీఐ అభ్యర్థి పువ్వాడ నాగేశ్వరరావును బలపరుస్తున్నట్టు చెప్పారు.

భారత ప్రధాని నరేంద్ర మోడీ త్వరలోనే పాకిస్తాన్‌కు వెళ్లనున్నాడని విదేశాంగ మంత్రి సుష్మా స్వరాజ్‌ తెలిపారు. హార్ట్ ఆఫ్‌ ఏషియా సదస్సులో పాల్గొనేందుకు ఇస్లామాబాద్‌కు వెళ్లిన ఆమె మీడియాతో ఈ విషయాన్ని తెలిపారు. 2016లో జరగబోయే సౌత్‌ ఏషియన్‌ అసోసియేషన్‌ ఫర్‌ రీజనల్‌ కోపరేషన్‌ (సార్క్) సమ్మిట్‌లో భాగంగా మోడీ ఇక్కడి రానున్నట్లు పేర్కొన్నారు.

విజయవాడ కల్తీ మద్యం ఘటనపై హైకోర్టు న్యాయమూర్తితో జ్యూడిషియల్‌ విచారణ జరిపించాలని, ఘటనకు బాధ్యత వహించి ఎక్సైజ్‌ మంత్రి కొల్లు రవీంద్ర తక్షణమే రాజీనామా చేయాలని సిపిఎం రాష్ట్ర కార్యదర్శి వర్గ సభ్యులు సిహెచ్‌.బాబూరావు డిమాండ్‌ చేశారు. కల్తీ మద్యం ఘటనపై న్యాయవిచారణ జరిపించాలని డిమాండ్‌ చేస్తూ సిపిఎం నగర కమిటీ ఆధ్వర్యంలో బందర్‌ రోడ్డులోని సబ్‌ కలెక్టర్‌ కార్యాలయం ఎదుట ధర్నా నిర్వహించారు. ఎక్సైజ్‌ మంత్రి రాజీనామా చేయాలని, ఎక్సైజ్‌ పాలసీని మార్చాలని, స్వర్ణా బార్‌ యాజమాన్యంపై చర్యలు తీసుకోవాలని నినాదాలు చేశారు. మహిళలు ముఖానికి నల్లగుడ్డలు కట్టుకుని ప్రభుత్వ మద్యం పాలసీపై నిరసన వ్యక్తం చేశారు.