సుప్రీం కోర్టు రాజకీయ పార్టీలను ఎక్కడ సమాచార హక్కు చట్టం పరిధిలోకి తెస్తుందోనన్న భయంతో నాయకులు గుండెల్లో రైళ్లు పరుగులు తీస్తున్నాయి. రాజకీయ పార్టీలను సమాచార హక్కు చట్టం పరిధిలోకి తెస్తే కాంగ్రెస్,బిజెపి తదితర జాతీయ పార్టీలతో పాటు టిఆర్‌ఎస్, తెలుగుదేశం, అన్నా డిఎంకె, డిఎంకె, సమాజ్‌వాదీ, ఆమ్‌ఆద్మీ లాంటి మెజారిటీ ప్రాంతీయ పార్టీల ఆర్థిక రావాదేవీలన్నీ బట్టబయలవుతాయి. అందుకే ఆయా పార్టీల నాయకుల గుండెల్లో గుబులుపుట్టింది.

కేంద్ర ప్రభుత్వ కార్మిక, కర్షక వ్యతిరేక విధానాలకు నిరసనగా సెప్టెంబరు రెండో తేదీన దేశవ్యాప్త సమ్మె నిర్వహిస్తున్నట్లు సిపిఎం రాష్ట్ర కార్యదర్శి పి.మధు ప్రకటించారు. నెల్లూరు బాలాజీనగర్‌లోని సిపిఎం కార్యాలయంలో మంగళవారం ఆ పార్టీ జిల్లా ప్లీనం నిర్వహించారు. ఈ సందర్భంగా మధు మాట్లాడుతూ, సమ్మెను పార్టీ కార్యకర్తలు విజయవంతం చేయాలని కోరారు. దేశవ్యాప్త సమ్మెకు బిజెపి అనుబంధ సంస్థ అయిన బిఎంఎస్‌ కూడా మద్దతిస్తోందని చెప్పారు. వివిధ వర్గాల ప్రజల సమస్యలపై ఆగస్టు ఒకటో తేదీ నుంచి 14వతేదీ వరకు ఆందోళనలకు పిలుపునిచ్చారు. ప్రధానంగా పంటలకు గిట్టుబాటు ధరలు దక్కడంలేదని ఆయన ఆవేదన వ్యక్తం చేశారు.

   దేశాన్ని స్వదేశీ, విదేశీ కార్పొరేట్ల నుంచి రక్షించి ప్రభుత్వరంగాన్ని కాపా డటమే సెప్టెంబర్‌ 2న దేశవ్యాప్తంగా అన్ని ట్రేడ్‌యూనియన్లు తలపెట్టిన సమ్మె లక్ష్యమని సిఐటియు ఆలిండియా ప్రధానకార్యదర్శి తపన్‌సేన్‌ ఉద్ఘాటించారు. సోమవారం ఉదయం విశాఖపట్నంలోని సిఐటియు కార్యాలయంలో ఏర్పాటు చేసిన విలేకర్ల సమావేశంలో తపన్‌సేన్‌ మాట్లాడుతూ, దేశ ప్రధాని మోడీ 'మేకిన్‌ ఇండియా' పేర దేశ ప్రజలను నయవంచనకు గురిచేస్తున్నాడని ఎద్దేవా చేశారు. ప్రభుత్వరంగ వినాశనమే మోడీ, బిజెపి ధ్యేయమన్నారు.

 పురాతన కాలంనాటి అద్భుతమైన స్వాభావిక తాత్విక ఊహలు, అరబ్బుల కాలంలో అడపాదడపా చోటు చేసుకున్న మహావిష్కరణలు ఎక్కువభాగం ఎలాంటి ఫలితాలు ఇవ్వకుండానే అంతర్ధానమైపో యాయి. ప్రకృతిని ఆధునికంగా పరిశోధించి సాధించిన శాస్త్రీయమైన, క్రమబద్ధమైన పరిపూర్ణమైన శాస్త్రీయాభివృద్ధి మాత్రమే కాల పరీక్షకు నిలిచింది. ఈ ఆధునిక శాస్త్ర పరిశోధనాకాలంనుండి ఒక నూతన శకం ఆరంభమయ్యింది. ఇదంతా అతి సమీప చరిత్రయే. జర్మన్లు ఈ శకాన్ని సంస్కరణ యుగంగా పిలుచుకుంటే, ఫ్రెంచి వారు పునరుజ్జీవనశకంగా పిలుచుకున్నారు. ఇటలీవారు సంగీత, సాహిత్యాలు, కళలు, కుడ్యాల నిర్మాణంలో అద్భుత ప్రగతిసాధించిన కాలంగా పేర్కొన్నారు.

బుధవారం నుండి రష్యాలో ప్రారంభం కానున్న బ్రిక్స్‌ దేశాల కూటమి సదస్సు, షాంఘై సహకార సంస్థ సదస్సు సానుకూల ఫలితాల సాధనపైనే దృష్టి పెట్టాయి. ముఖ్యంగా ఆసియా మౌలిక వసతుల పెట్టుబడుల బ్యాంక్‌ (ఎఐఐబి) ఏర్పాటు వంటి అంశాలతో పాటు ఇప్పటి వరకూ చర్చలకు మాత్రమే పరిమితమైన ఈ రెండు వ్యవస్థలు సకారాత్మక సహకారాన్ని బలోపేతం చేసుకునే దిశగా అడుగులు వేస్తున్నాయి. రష్యాలోని ఉఫాలో ప్రారంభం కానున్న బ్రిక్స్‌ గ్రూప్‌ దేశాల సదస్సులో ఎఐఐబి ఏర్పాటు, అత్యవసర రిజర్వ్‌ ఏర్పాటు వంటి అంశాలను చైనా ప్రధానంగాచర్చకు తెనున్నట్టు తెలుస్తుంది.