సంక్రాంతి సందర్భంగా ప్రభుత్వం అందిస్తున్న 'చంద్రన్న కానుక' అందక లబ్ధిదారులు అవస్థలు పడుతున్నారు. పండుగ దగ్గర పడుతున్నా ఇంకా సరుకులు అందకపోవడంపై ఆందోళన చెందుతున్నారు. సర్వర్లు పనిచేయకపోవడంతో ప్రజల గంటలకొద్ది క్యూలైన్లలో నిలబడాల్సిన పరిస్థితి ఉంది. మరోవైపు కానుక రూపంలో అందిస్తున్న సరుకులు నాసిరకంగా ఉన్నాయని విమర్శలు వెల్లువెత్తున్నాయి. సంక్రాంతి పండుగ కోసం ప్రభుత్వం అందిస్తున్న 'చంద్రన్న కానుక'పై నెల్లూరు జిల్లాలో అనేక విమర్శలు వెల్లువెత్తుతున్నాయి. సంక్రాంతి దగ్గరకు వచ్చినా కానుక అందడం లేదని ప్రజలు వాపోతున్నారు.

గ్రామాల్లోకి సర్వేయర్లను రానీయకుండా అడ్డుకోవాలని సిపిఎం రాష్ట్ర కార్యదర్శి పి.మధు రైతులకు పిలుపిచ్చారు. ప్రకాశం జిల్లా పామూరు మండలం మాలకొండాపురం వద్ద బలవంతపు భూ సేకరణను వ్యతిరేకిస్తూ నిమ్జ్‌ రైతులు, కూలీల సదస్సు సోమవారం జరిగింది. సయ్యద్‌ హానీఫ్‌ అధ్యక్షతన జరిగిన ఈ సదస్సుకు మధు ముఖ్య వక్తగా హాజరయ్యారు. ఈ సందర్భంగా ఆయన మాట్లాడుతూ, రాష్ట్ర ప్రభుత్వం బలవంతపు భూ సేకరణ ఆపకపోతే ఆందోళన ఉధృతం చేస్తామని హెచ్చరించారు. '2013 జిఒ ప్రకారం భూమిని తీసుకోవాలంటే నష్ట పరిహారం చెల్లించి సర్వే చేయాలి. గ్రామ సభలు పెట్టాలి. 80 శాతం మంది మెజారిటి ఆమోదం పొందాలి. ఆ తరువాత పనులు చేపట్టాలి.

కేంద్ర ప్రభుత్వం ఆర్‌ఎస్‌ఎస్‌ తొత్తుగా వ్యవహరిస్తోందని భారత జాతీయ మహిళా సమాఖ్య (ఎన్‌ఎఫ్‌ఐడబ్ల్యూ) ప్రధాన కార్యదర్శి అనీ రాజా ఆరోపించారు. సోమవారం సమాఖ్య తెలంగాణ రాష్ట్ర ప్రథమ మహాసభలు హైదరాబాద్‌లో నిర్వహించారు. తెలంగాణ రాష్ట్ర ఏర్పాటు కోసం మహిళలు విరోచిత పోరాటం చేస్తే కొంతమంది మాత్రమే వాటి ఫలాలను అనుభవిస్తున్నారని మండిపడ్డారు. రాష్ట్ర కేబినెట్‌లో ఒక్క మహిళా మంత్రి కూడా లేకపోవడం ఇందుకు నిదర్శనమన్నారు. రాష్ట్రం ఏర్పడితే మహిళలు, నిరుద్యోగులకు అపార అవకాశాలు వస్తాయన్న కేసీఆర్‌, రాష్ట్రం ఏర్పడి ముఖ్యమంత్రి అయ్యాక నియంతృత్వ పాలనను కొనసాగిస్తున్నారని విమర్శించారు. 

విశాఖ ఏజెన్సీలో బాక్సైట్‌ ఉద్యమంపై చంద్రబాబు ప్రభుత్వం ఉక్కుపాదం మోపుతోంది. ఇందులో భాగంగా బాక్సైట్‌ వ్యతిరేక గొంతులను నొక్కేస్తోంది. భవిష్యత్‌లో బాక్సైట్‌ వ్యతిరేక పోరాటంలో పాల్గొనకుండా గిరిజనులను భయభ్రాంతులకు గురిజేస్తోంది. అక్రమ కేసులు బనాయించి నిర్బంధం ప్రయోగిస్తోంది. జర్రెల మాజీ సర్పంచ్‌ సాగి వెంకట రమణను హత్య చేసిన మావోయిస్టులకు సహకరించారన్న సాకును చూపించి ప్రతిపక్ష పార్టీలకు చెందిన వారిని పోలీసులు అరెస్టులు చేస్తున్నారు. 

క్రమబద్ధీకరణ ముసుగులో రాజధాని అమరావతి ప్రాంతంలోని వేలాది ఎకరాల అసైన్డ్‌ భూముల క్రయ విక్రయాలు యథేచ్ఛగా సాగిపోతున్నాయని సిపిఐ రాష్ట్ర కార్యదర్శి కె రామకృష్ణ విమర్శించారు.అనేక మంది పెద్దలు వేలాది ఎకరాల అసైన్డు భూములను కొనుగోలు చేస్తున్నారని, ప్రమాదకరమైన ఈ కుంభకోణం త్వరలో వెలుగులోకి వస్తుందని రామకృష్ణ తెలిపారు. అసైన్డ్‌ భూముల చట్ట ప్రకారం ఎవరికైనా ఒకసారి భూమిని ప్రభుత్వం ఇస్తే దాన్ని వారు అమ్మటంగానీ, వేరెవరైనా కొనటంగానీ చేయకూడదన్నారు. అందుకు భిన్నంగా క్రయ విక్రయాలైన భూములను క్రమబద్ధీకరించేందుకు ప్రభుత్వం యత్నించటం శోచనీయమన్నారు.