పశ్చిమగోదావరి జిల్లా నల్లజర్ల మండలంలో అసైన్డ్‌ భూముల సేకరణపై నిరసన వెల్లువెత్తింది. సుమారు 500 మంది రైతులు తహసీల్దార్‌ కార్యాలయాన్ని సోమవారం ముట్టడించారు. మండలంలోని దూబచర్ల, పుల్లలపాడు, ముసళ్లగుంట గ్రామాల పరిధిలోని దళితులు, బిసిలకు చెందిన మూడు పంటలు పండే 150 ఎకరాల అసైన్డ్‌ భూమిని సేకరించి రక్షణరంగ విడి భాగాల తయారీ పరిశ్రమలు నిర్మించేందుకు కేంద్రం చర్యలు తీసుకుంటోంది.

పిఎం ప్రధాన కార్యాలయం(ఎకెజి భవన్‌)పై దాడికి తెగబడిన కాషాయ మూకలు, గత రాత్రి పార్టీ కార్యాలయానికి ఫోన్‌ చేసి బెదిరింపులకు దిగాయి..కొందరు పనిగట్టుకొని చేతకాక ఇలాంటి దాడులకు పూనుకుంటున్నారని సిపిఎం ప్రధాన కార్యదర్శి సీతారామ్‌ ఏచూరి పేర్కొన్నారు. ఇటువంటి దాడులకు సిపిఎం భయపడదని, వీటిని ఎదుర్కొనేందుకు సిద్ధంగా ఉన్నామని చెప్పారు. కావాలనే సిపిఎంపై దాడులకు పాల్పడతున్నారని, దీనిపై ప్రభుత్వం స్పందించాలని ఆయన కోరారు. చేతనైతే ప్రజాస్వామ్య యుతంగా, సైద్ధాంతికంగా చర్చకు రావాలని, అంతే తప్ప పిరికి పందల మాదిరి వ్యవహరించకూడదని హెచ్చరించారు. 

ప్రఖ్యాత జవహర్‌లాల్‌ నెహ్రూ విశ్వ విద్యాలయ ఆవరణలో జరిగిన కార్యక్రమం వెనుక పాకిస్తాన్‌కు చెందిన లష్కరే తొయిబా అధ్యక్షుడు హఫీజ్‌ సయీద్‌ మద్దతు ఉందని కేంద్ర హోం శాఖ మంత్రి రాజ్‌నాధ్‌ సింగ్‌ చేసిన వ్యాఖ్యలపై సీపీఐ(ఎం) నేత ప్రకాశ్‌కరత్‌ ఆగ్రహం వ్యక్తం చేశారు. నకిలీ ట్విట్టర్‌ల సమాచారం ఆధారంగా రాజ్‌నాధ్‌ వ్యాఖ్యానించడాన్ని ఆయన ఖండించారు. 

సిపిఎం కేంద్ర కార్యాలయంపై ఆర్‌ఎస్‌ఎస్‌, ఎబివిపి గూండాల దాడిని నిరసిస్తూ సోమవారం రాష్ట్రవ్యాప్తంగా నిరసన వెల్లువెత్తింది. సిపిఎం ఆధ్వర్యంలో జరిగిన ఈ నిరసన కార్యక్రమాల్లో పలుచోట్ల ఇతర వామపక్ష పార్టీల నేతలు కూడా పాల్గొని సంఘీభావం ప్రకటించారు. ప్రదర్శనలు, రాస్తారోకోలు, సంఘపరివార్‌ దిష్టిబొమ్మల దహనం కార్యక్రమాలు పెద్దఎత్తున నిర్వహించారు. కొన్నిచోట నల్లబ్యాడ్జీలు ధరించి నిరసన చేపట్టారు.