భారత్‌లో ఫేస్‌బుక్‌కు గట్టి ఎదురుదెబ్బ తగిలింది. భారత టెలికాం నియంత్రణ సంస్థ ట్రాయ్‌ నెట్‌ న్యూట్రాలిటీ వైపే మొగ్గు చూపింది. ఒకే సమాచారానికి వేర్వేరు ధరలు నిర్ణయించడాన్ని వ్యతిరేకించింది. నిబంధనలు ఉల్లంఘించే టెలికాం ఆపరేటర్లకు రోజుకు 50 వేల వరకు జరిమానా విధిస్తామని హెచ్చరించింది.

పాలక పెద్దల దన్నుతో ఖనిజాలను యధేచ్ఛగా దోచేస్తోందని ఈ సంస్థపై ఆరోపణలు వెల్లువెత్తుతున్నాయి. సాక్షాత్తు శాసనసభ ప్రజాపద్దుల కమిటీయే.. ట్రైమెక్స్‌ అక్రమాలపై తీవ్రస్థాయి విమర్శలు చేసింది. నిగ్గు తేలేవరకూ తవ్వకాలు ఆపేయాలంటూ ఈ కమిటీ ఆదేశాలు జారీ చేసింది.

ముఖ్యమంత్రి చంద్రబాబు నాయుడు రాజధాని శంకుస్థాపన సభలో ''మీరు చేసిన త్యాగానికి ఏం చేసినా తక్కువే'' అని ఆ ప్రాంత ప్రజలనుద్దేశించి వ్యాఖ్యానించారు. వాస్తవంగా కూడా భూమినే నమ్ముకున్న 29 గ్రామాల రైతులు, ఆ భూములపై ఆధారపడ్డ కూలీలు, సంబంధిత ఉత్పత్తితో ముడిబడ్డ చేతివృత్తిదారులు, చిరు వ్యాపారులు మొత్తం ప్రజానీకం తమ భూములను, ఉపాధిని, జీవనాన్ని రాజధాని నిర్మాణం కోసం వదులుకొని (బలవంతంగా అయినా) త్యాగం చేశారు.

 రాష్ట్రపతి ప్రణబ్‌ముఖర్జీ మరో ముఖ్యమైన అత్యున్నతస్థాయి సమావేశాన్ని నిర్వహిస్తున్నారు. దేశ భద్రత, కేంద్ర పథకాల అమలు, ఉన్నత విద్యలో ప్రమాణాలు పెంపు తదితర అంశాలు అజెండాగా ఈ సమావేశాన్ని నిర్వహిస్తున్నారు. ఢిల్లీ వేదికగా ఇవాళ, రేపు జరగనున్న ఈ సదస్సుకు..ప్రధాని మోదీ సహా...కేంద్రమంత్రులు, వివిధ రాష్ట్రాల గవర్నర్లు హాజరుకానున్నారు. 

అయోధ్యలో రామాలయ నిర్మాణంపై సుప్రీంకోర్టు తీర్పు తర్వాత ప్రభుత్వం నిర్ణయం తీసుకుంటుందని కేంద్ర మంత్రి కల్‌రాజ్‌ మిశ్రా తెలిపారు. అలహాబాద్‌ హైకోర్టు తీర్పును వ్యతిరేకిస్తూ దాఖలైన అప్పీల్‌పై సుప్రీంకోర్టు తీర్పు వెలువరించాల్సి వుంది, ఆ తీర్పు కోసం ఎదురుచూస్తున్నాం. దాని తర్వాత ఉత్పన్నమయ్యే పరిస్థితులను బట్టి కేంద్రం నిర్ణయం తీసుకుంటుందని ఆయన అన్నారు. అయితే, బీజేపీ వైఖరిలో ఎలాంటి మార్పు లేదన్నారు. అయోధ్యలో రామాలయ నిర్మాణాన్ని సాధ్యం చేసి తీరుతామంటూ వివాదాస్పద వ్యాఖ్య చేశారు.