నేషనల్‌ హెరాల్డ్‌ కేసులో కాంగ్రెస్‌కుబీహార్‌ ముఖ్యమంత్రి నితీశ్‌ కుమార్‌ బాసటగా నిలబడ్డారు. రాజకీయాల్లో ఎలాంటి కక్ష సాధింపు చర్యలు వుండరాదని అన్నారు. ప్రతిపక్షాలను ఇలా వేధింపులకు గురిచేయరాదని సూచించారు. పార్లమెంట్‌ వెలుపల గురువారం ఆయన విలేకర్లతో మాట్లాడారు. తమపై కక్ష తీర్చుకోవడం కోసమే కేంద్రం ఈడీ అధికారాలను దుర్వినియోగం చేస్తోందంటూ కాంగ్రెస్‌ చేసిన విమర్శలపై స్పందించమని కోరగా ఆయన పై వ్యాఖ్యలు చేశారు.

విజయవాడలో కల్తీ మద్యం మరణాలపై హైకోర్టు ప్రస్తుత న్యాయమూర్తితో విచారణ జరిపించాలని సిపిఎం రాష్ట్ర కార్యదర్శి పి.మధు డిమాండ్‌ చేశారు. మెజిస్టీరియల్‌ విచారణ వల్ల ఉపయోగం ఉండదన్నారు. ప్రభుత్వ మద్యం విధానంపై కమిషన్‌ నియమించాలని సూచించారు. విజయవాడ కృష్ణలంకలోని స్వర్ణ బార్‌లో మద్యం సేవించి ఆంధ్రా ఆసుపత్రిలో చికిత్స పొందుతున్న బాధితులను సిపిఎం రాజధాని ప్రాంత కన్వీనర్‌ సిహెచ్‌ బాబూరావు, విజయవాడ నగర కార్యదర్శి డి.కాశీనాథ్‌తో కలిసి మధు బుధవారం పరామర్శించారు. ఈ సందర్భంగా ఆయన మాట్లాడుతూ మద్యాన్ని ప్రభుత్వం ప్రధాన ఆదాయ వనరుగా గుర్తించటం శోచనీయమన్నారు.

దేశంలో వివిధ రాజ కీయ పార్టీలకు అందుతున్న చందాలలో 2014-15 ఆర్థిక సంవ త్సరంలో భారీ వృద్ధి నమోదైంది.వివిధ రాజకీయ పార్టీలు తమకు రూ. 20 వేలకు మించి అందిన విరాళాల వివరాలను ఎన్నికల కమి షన్‌కు సమర్పించిన జాబితాల ఆధా రంగా ఏడీఆర్‌ నివేదిక తయారైంది. అంటే ఇవి బహిరంగంగా ప్రకటించిన విరాళాల వివరాలు మాత్రమే. ప్రకటిం చనివి ఇంతకు పలు రెట్లు అధికంగా ఉంటాయనేది తెలిసిందే. ప్రకటించిన మేరకే చూసినా, రూ. 437.35 కోట్ల చందాలతో బీజేపీ అన్నింటికన్నా ముందున్నదని సంస్థ తెలిపిన వివరాల్లో ఉంది.

పోలవరం నిర్వాసితులు గ్రామాలు ఖాళీ చేయకుండా మొండికేస్తే సహించేది లేదని ముఖ్యమంత్రి చంద్రబాబునాయుడు హెచ్చరించారు. డిసెంబర్‌ నెలాఖరుకు చేగొండపల్లి, జనవరి నెలాఖరుకు పైడిపాక, రామయ్యపేట గ్రామాలను ఖాళీ చేయించాలని లక్ష్యంగా పెట్టుకున్నామన్నారు. నిర్వాసితులు ఊళ్లు వదిలిపెట్టకపోతే వారికి అందాల్సిన పరిహారం దక్కకుండా పోతుందని హెచ్చరించారు. సంక్షేమ పథకాలు కూడా అందవని స్పష్టంచేశారు.