December

దళితులకి కేవలం 0.2% నిధులే..

దేశవ్యాప్తంగా సబ్‌ప్లాన్‌ నిధులు దారిమళ్లుతున్నాయని, దళితుల సంక్షేమానికి ఖర్చు చేసేది కేవలం 0.2 శాతం నిధులేనని ఎస్‌సి జాతీయ కమిషన్‌ సభ్యురాలు పిఎం.కమలమ్మ ఆవేదన వ్యక్తం చేశారు. అన్ని రాష్ట్రాల్లోనూ సబ్‌ప్లాన్‌ నిధులు ఎంత కేటాయించారు?, ఎంత ఖర్చు చేశారు?, ఎంత మిగిలిందనే లెక్కలు ఉండటం లేదన్నారు. ఈ విషయంపై రాష్ట్రపతికి నివేదిక అందజేసి, నిధులు సక్రమంగా వినియోగించేలా కమిషన్‌ తరుపున సూచిస్తామన్నారు. 

చింతమనేనిని బర్తరఫ్‌ చేయాలి..

 ఆంగన్‌వాడీ కార్యకర్తలను దూషించిన ప్రభుత్వ చీఫ్‌విప్‌ చింతమనేని ప్రభాకర్‌ను పదవి నుంచి భర్తరఫ్‌ చేయాలని పలువురు వక్తలు డిమాండ్‌ చేశారు. గురువారం కడప పాతబస్టాండ్‌లోని సిఐటియు కార్యాలయంలో సిఐటియు జిల్లా కోశాధికారి శ్రీనివాసులరెడ్డి అధ్యక్షతన రౌండ్‌టేబుల్‌ సమావేశం నిర్వహించారు. ఈ సందర్భంగా శ్రామిక మహిళ జిల్లా కార్యదర్శి ఐ.ఎన్‌.సుబ్బమ్మ మాట్లాడుతూ ఏలూరులో చింతమనేనికి వినతి పత్రం ఇచ్చేందుకు వెళ్లిన అంగన్‌వాడీల పట్ల ఆయన దురుసుగా ప్రవర్తించడం దారుణమన్నారు. గతంలో తహశీల్దార్‌ వనజాక్షి పట్లా ఇలాగే ప్రవర్తించారని గుర్తుచేశారు.

వరదబాధితులకు3లక్షల విరాళం:మధు

 వరద బాధితుల సహాయార్థం ప్రజల నుంచి విరాళాలు సేకరించాలని సిపిఎం రాష్ట్ర కమిటీ నిర్ణయించింది. ఈనెల ఐదో తేదీన పార్టీ శాఖలన్నీ ప్రజల నుంచి విరాళాలు సేకరిం చాలని సిపిఎం రాష్ట్ర కార్యదర్శి పి.మధు పిలుపునిచ్చారు. తమిళనాడుతో పాటు రాష్ట్రంలోని వరద ప్రభావిత ప్రాంతా లలో బాధితుల సహాయార్థం సిపిఎం రాష్ట్ర కమిటీ రూ.3 లక్షలు విరాళాన్ని పంపుతున్నట్లు గురువారం ఒక ప్రకటనలో ఆయన తెలిపారు.

మతోన్మాదానికి వ్యతిరేకంగా ర్యాలీ..

మతోన్మాదానికి వ్యతిరేకంగా విశాఖ పట్నంలో వామపక్ష నాయకులు, కార్యకర్తలు తలపెట్టిన నిరసన ర్యాలీని పోలీసులు అడ్డుకున్నారు. నగరంలోని సరస్వతీ పార్కు నుంచి దాబాగార్డెన్స్ మీదుగా గాంధీ విగ్రహం వరకు నిరసన ర్యాలీని నిర్వహించారు. అయితే సెక్షన్-30, 31 అమలులో ఉన్నాయని, ర్యాలీలు నిర్వహించడానికి వీలు లేదంటూ పోలీసులు అడ్డుకున్నారు. అయితే పక్కనే సరస్వతీ పార్కు వద్ద టీడీపీ జన చైతన్యయాత్ర పేరిట ర్యాలీలు తీస్తున్నారు కదా అని వామపక్షాల నేతలు ప్రశ్నించగా పోలీసుల నుంచి ఎటువంటి సమాధానం రాలేదు. దీంతో అక్కడ ఉద్రిక్తత చోటు చేసుకుంది.

రాముడితో రాజకీయాలా? :నితీశ్‌

 బీహార్‌ ముఖ్యమత్రి నితీశ్‌ కుమార్‌ కుమార్‌ బీజేపీపై మండిపడ్డారు. రాముడి పేరుతో బీజేపీ రాజకీయాలకు పాల్పడుతోందని ఆయన విమర్శించారు. బీజేపీ నేతలు రామాలయం గురించి మాట్లాడుతున్నారు. కానీ ఇందుకు సంబంధించి కోర్టు విచారణ తేదీలు కూడా వారికి గుర్తుండవు' అని నితీశ్‌ విమర్శించారు. రెండు వర్గాల మధ్య సమగ్ర చర్చలు జరిగినప్పుడు మాత్రమే అయోధ్యలో రామాలయ సమస్య పరిష్కారం అవుతుందని అన్నారు.

రాష్ట్రపతికి బృందాకరత్‌ వినతి

ఆంధ్రప్రదేశ్‌లోని విశాఖ మన్యం ప్రాంతంలో బాక్సైట్‌ తవ్వకాలను పూర్తిగా ఆపేయాలని రాష్ట్రపతి ప్రణబ్‌ ముఖర్జీకి సిపిఐ(ఎం) పొలిట్‌బ్యూరో సభ్యురాలు బృందా కరత్‌ విజ్ఞప్తి చేశారు. ఆంధ్రప్రదేశ్‌లో చంద్రబాబు ప్రభుత్వం బాక్సెట్‌ తవ్వకాల ప్రక్రియను వేగవంతం చేస్తోందని, దానిని వెంటనే ఆపాలని కోరుతూ ఆమె ఒక వినతి పత్రాన్ని రాష్ట్రపతి ప్రణబ్‌ ముఖర్జీకి అందజేశారు.

రెవెన్యూ లోటుతో అల్లాడుతున్నAP

రాష్ట్రం ఏర్పాటై ఏడాదిన్నర కావస్తున్నా ఆంధ్రప్రదేశ్‌లో ఇంకా ఆర్థిక ఇబ్బందులు కొనసాగుతూనేఉన్నాయి.. తొలి ఆర్థిక సంవత్సరంలో ప్రధాన శాఖలన్నీ 90శాతం ఆదాయాన్ని మాత్రమే చేరుకున్నాయి... మిగతా శాఖల పరిస్థితి దాదాపు అలాగే ఉంది..... రాబోయే బడ్జెట్‌లోగా ఈ సమస్యల పరిష్కరించాలని ఏపీ సర్కారు తీవ్రంగా కృషి చేస్తోంది.. బడ్జెట్‌ అంచనాలపై ఆర్థికమంత్రి యనమల రామకృష్ణుడు సచివాలయంలో సమీక్ష నిర్వహించారు.. ముగిసిన ఆర్థిక సంవత్సరంలో దాదాపు 7వేల కోట్ల రూపాయలవరకూ ఆదాయం తగ్గిందని అంచనావేశారు.. స్టాంపులు, రిజిస్ట్రేష‌న్ల శాఖ, మైన్స్, అట‌వీ శాఖ‌లు నిర్దేశించిన లక్ష్యాన్ని చేరుకున్నాయి..

తమిళనాడుకి వెయ్యి కోట్ల సాయం..

తమిళనాడు లో వరద ప్రాంతాల్లో ప్రధాని మోదీ ఏరియల్ సర్వే నిర్వహించారు. తమిళనాడు ప్రజలకు అండగా ఉంటామని స్పష్టం చేశారు. ఇప్పటికే రూ. 940 కోట్ల సాయం ప్రకటించామని, మరో రూ.1000 కోట్ల సాయాన్ని మోదీ ప్రకటించారు.

మోడీని టార్గెట్ చేసిన ISIS..

ISIS తాజాగా విడుదల చేసిన మేనిఫెస్టోలో భారత ప్రధాని మోడీని టార్గెట్ చేసారు.ముస్లింలపై హిందువులను యుద్ధానికి సిద్ధం చేస్తున్నారని పేర్కొన్నారు.భారత్ పై ప్రతీకారం తీర్చుకుంటామని హెచ్చరికలు జారీ చేసారు.

 

Pages

Subscribe to RSS - December