కేంద్ర మంత్రుల బృందం సిఫారసులకు పార్లమెంట్‌ ఆమోదం తెలిపితే ఎంపీల జీతాలు 100 శాతం పెరగనున్నాయి. ప్రస్తుతం నెలకు రూ.50 వేలు వేతనంగా ఇస్తున్న మొత్తాన్ని రూ.లక్షకు పెంచాలని మం త్రుల బృందం తమ ప్రతిపాదనలను క్యాబినెట్‌కు నివేదిం చింది. వేతనాలపై గతంలో నియమించిన ఎంపీల కమిటీ సిఫారసులకు మంత్రుల బృందం ఆమోదం తెలిపింది. ఇక ప్రధాని మోడీ కూడా అంగీకరిస్తే ఈ సమావేశాల్లోనే పార్లమెంట్‌లో ఆమోదం పొందే అవకాశ మున్నది.

కాశ్మీర్‌లో నెలకొన్న అశాంతిపై పీడీపీ-బీజేపీ కూటమి మౌనం సహించరానిదని సీపీఐ విమర్శించింది. రాష్ట్రంలో మామూలు పరిస్థితులు నెలకొల్పడానికి తక్షణం అఖిలపక్ష సమావేశాన్ని ఏర్పాటు చేయాలని పార్టీ జాతీయ సమితి ఒక తీర్మానంలో డిమాండ్‌ చేసింది.కాశ్మీర్‌లో శాంతియుత పరిస్థితులు దెబ్బతినిపోవడానికి కారణం పీడీపీ-బీజేపీ కూటమేనని సీపీఐ ఆరోపించింది.పెల్లెట్‌ గన్స్‌ వాడకాన్ని నిలిపివేయాలని డిమాండ్ చేసింది.

ఏపీ పీసీసీ అధ్యక్షుడు రఘవీరారెడ్డి, కేవీపీ తదితర రాష్ట్ర నేతలు రాష్ట్ర వ్యవహరాల ఇంఛార్జ్ దిగ్విజయ్ సింగ్ తో భేటీ అయ్యారు. ప్రత్యేక హోదా ప్రైవేటు బిల్లుపై చర్చించారు... బిల్లుకు ఇతర పార్టీల మద్దతు కూటగట్టడంపై సమాలోచనలు జరిపారు. పార్లమెంట్ లో కేవీపీ ప్రవేశపెట్టనున్న ప్రైవేటు బిల్లు, దాని పై అనుసరించాల్సిన వ్యూహం పై చర్చించారు.

నాటి ముఖ్యమంత్రి యన్‌టి రామారావు, ఎస్‌ఆర్‌ శంకరన్‌ల ఆధ్వర్యంలో 1983లో సామాజికంగా, ఆర్థికంగా, రాజకీయంగా వెనుకబడిన షెడ్యూల్డ్‌ కులాల అభ్యున్నతి కోసం ఆంధ్రప్రదేశ్‌ సాంఘిక సంక్షేమ గురుకుల పాఠశాలలు ఏర్పాటుచేశారు. అవి సాధారణ హాస్టళ్ళ కంటే మెరుగైన విద్య, క్రమశిక్షణ వంటి విషయాల్లో మంచి ఫలితాలు సాధిస్తూ నడుస్తున్నాయి. 1987లో రాష్ట్రవ్యాప్తంగా ఉన్న గురుకులాలను కలిపి ఎపిఎస్‌డబ్ల్యుఆర్‌ఇఐ సొసైటీ పేరుతో రాష్ట్ర సంస్థగా ఏర్పాటు చేశారు. కొన్ని సంవత్సరాలపాటు విద్యావేత్తల ఆధ్వర్యంలో ఇవి సజీవంగా నడిచాయి. ఆ తరువాత ఈ సంస్థ స్థాయి పెంచి ఐఎఎస్‌, ఐపిఎస్‌ అధికారులను కార్యదర్శులుగా నియమించారు.

నూతన రాజధాని నిర్మాణంలో భాగంగా సింగపూర్‌ కన్సార్టియం దాఖలు చేసిన స్విస్‌ ఛాలెంజ్‌ ప్రతిపాదనను బహిరంగ పరిచేందుకు ప్రభుత్వం రంగం సిద్ధం చేస్తోంది. ఇప్పటికే దీనికి రాష్ట్ర మంత్రివర్గం ఆమోదం లభించింది. దీంతో అధికారులు పూర్తి స్థాయిలో అధ్యయనం చేసి స్విస్‌ ఛాలెంజ్‌పై ఉత్తర్వులు కూడా జారీ చేశారు.ఈ ఛాలెంజ్‌ ప్రతిపాదనను బాహాటంగా ప్రకటించి, ఇతర సంస్థల నుంచి కౌంటర్‌ ఛాలెంజ్‌ కోరాల్సి ఉంటుంది. వీలైంత త్వరగా ఛాలెంజ్‌ను బహిరంగపరచాలని నిర్ణయించారు. ముఖ్య మంత్రితో కూడా చర్చించామని, సోమవారం దీన్ని ప్రకటించే అవకాశాలున్నాయని సీనియర్‌ అధికారి ఒకరు వెల్లడించారు.