ప్రజాసేవలో విశేష కృషికి గాను సీపీఐ(ఎం) ప్రధాన కార్యదర్శి సీతారాం ఏచూరిని 'ఎన్‌. రామచంద్రన్‌ స్మారక అవార్డు'తో సత్కరించారు. కేరళకు చెందిన ప్రఖ్యాత పాత్రికేయుడు ఎన్‌. రామచంద్రన్‌ వారసత్వాన్ని కొనసాగించేందుకు ఎన్‌. రామచంద్రన్‌ పౌండేషన్‌ను ఏర్పాటు చేశారు.

సంప్రదాయక విధానానికి స్వస్తి చెప్పి, రాష్ట్రంలో కొత్త తరహా పాలనలో కేరళను అభివృద్ధి దిశలో నడిపేందుకు, అవినీతిని సమూలంగా నిర్మూలించేందుకు ఆ రాష్ట్ర ఎల్‌డీఎఫ్‌ ప్రభుత్వం రంగం సిద్ధం చేస్తోంది. రానున్న ఐదేండ్లలో ఐటీ, బయోటెక్నాలజీ, పర్యాటక రంగాల్లో కొత్తగా పది లక్షల ఉద్యోగాలను, వ్యవసాయ రంగంలో మరో 15 లక్షల ఉద్యోగాలను కల్పించేందుకు ప్రణాళికా రచన చేస్తున్నట్టు పినరయి విజయన్‌ ప్రభుత్వం పేర్కొంది. 

అంతర్జాతీయ అణ్వ్తస్తాలు వ్యాప్తి చెందకుండా నిరోధించాలంటే ఎన్‌పీటీ (అణ్వస్త్ర వ్యాప్తి నిరోధక ఒప్పందం) ని పూర్తి స్థాయిలో, సమర్ధవంతంగా అమలు చేయడమే కీలకమని సియోల్‌ ప్లీనరీ సమావేశాలు ప్రకటించాయి. గత రెండు రోజులుగా ఇక్కడ జరుగుతున్న ఈ సమావేశాలు శుక్రవారంతో ముగిశాయి. అంటే భారత్‌కు అణు సరఫరా దేశాల గ్రూపు (ఎన్‌ఎస్‌జీ)లో సభ్యత్వం ఇచ్చే విషయంలో ఎలాంటి మినహాయింపులు వుండబోవని దీంతో స్పష్టమైంది

 ఈయూ నుంచి వైదొలగాలని బ్రిటన్‌ రిఫరెండంలో చారిత్రాత్మక నిర్ణయం వెలువడిన నేపథ్యంలో కేజ్రీవాల్‌... ఢిల్లీకి ప్రత్యేక హోదాపై మరోసారి స్పందించారు. ఢిల్లీకి ప్రత్యేక రాష్ట్ర హోదాపై ప్రజల మనోభిష్టాన్ని తెలుసుకునేందుకు అలాంటి రెఫరెండంను దేశ రాజధానిలో నిర్వహించాలని కేజ్రీ భావిస్తున్నారు. 

వచ్చే నెల 11వ తేదీ ఉదయం 6 గంటల నుంచి రైల్వే కార్మికులు, కేంద్ర కార్యాలయాల్లో పనిచేసే ఉద్యోగులందరూ నిరవధిక సమ్మెలో పాల్గొంటారని నేషనల్ ఫెడరేషన్ ఫర్ ఇండియన్ రైల్వేమెన్(ఎన్‌ఎఫ్‌ఐఆర్) ప్రధాన కార్యదర్శి మర్రి రాఘవయ్య పేర్కొన్నారు