అమరావతి శంకుస్థాపనకు పిలవొద్దంటూ జగన్ చేసిన వ్యాఖ్యలపై టిడిపి నేతలనుండి విమర్శలు వ్యక్తమవుతున్నాయి.జగన్‌ కలియుగ భస్మాసురుడని, జగన్‌ చేతిని తననెత్తినే పెట్టుకుంటున్నారని పయ్యావుల విమర్శించారు. శంకుస్థాపనకు కేసీఆర్‌ రావడం చంద్రబాబు చాణిక్యతకు నిదర్శనమని ఆయన చెప్పారు. విద్వేషాలు మర్చిపోయి కలిసి పయనించడమే తెలుగుజాతి ముందున్న లక్ష్యమని ఎమ్మెల్సీ పయ్యావుల చెప్పారు. శంకుస్థాపనకు జగన్‌ రాకపోవడం దురదృష్టకరమని ధూళిపాళ్ల అన్నారు. విపక్ష నేతగా జగన్ పనికిరారని ఆయన చెప్పారు.

బీహార్‌ అసెంబ్లీ ఎన్నికల్లో ప్రధాని నరేంద్రమోది ఎన్నికల నిబంధనలను ఉల్లంఘిస్తున్నారని సిపిఎం జాతీయ ప్రధాన కార్యదర్శి సీతారాం ఏచూరి ఆరోపించారు. ఓ చోట పోలింగ్‌ ముగిసిన రోజే ప్రధాని మరోచోట ప్రచారం చేయడం ద్వారా లైవ్‌ టీవీలో ప్రసారం అవుతుందని, అది ఓటర్లపై ప్రభావం చూపుతుందన్నారు. ప్రధాని స్థాయిలో ఉన్న వ్యక్తి ఇలాంటి చర్యలకు పాల్పడడం సరి కాదని ఏచూరి పేర్కొన్నారు. ఈవీఎం యంత్రాల్లో లోపాలున్నాయంటూ ఎలక్షన్‌ కమిషన్‌కు సిపిఎం ఫిర్యాదు చేసింది. 

ఫ్యూడలిస్టు సంస్కృతి పాతుకుపోయిన హర్యానాలో కుల రక్కసి కోరలు చాచింది. అన్పెం పున్నెం ఎరుగని ఇద్దరు పసి పిల్లలను అగ్నికీలలకు ఆహుతిచ్చింది. దేశ రాజధానికి 40 కిలోమీటర్ల దూరంలోని సోన్‌దీప్‌ గ్రామం (హర్యానా)లో సోమవారం ఈ దారుణం చోటుచేసుకుంది. అగ్రవర్ణ దురహంకారం తలకెక్కిన ఠాకూర్‌ కులస్థులు కొందరు ఓ దళితుని ఇంటికి అర్ధరాత్రిపూట నిప్పంటించారు. ఆ మంటల్లో చిక్కుకుని ఇద్దరు పిల్లలు కాలి బూడిదయ్యారు. తల్లిదండ్రులు గాయాలతో బయటపడ్డారు. బూఠాకూర్‌ కులస్థులే తన ఇంటిపై రాత్రి రెండు గంట ప్రాంతంలో దాడి చేశారని ఆ పిల్లల తండ్రి జితేందర్‌ తెలిపారు

రాజధాని అమరావతి శంకుస్థాపనకు సర్వం సిద్ధమైంది. ప్రచారహోరు ఉధృతంగా ఉంది. మీడియా రాజధానిపైనే కేంద్రీకరించింది. ప్రభుత్వ పెద్దలు, తెలుగుదేశం నేతలు, అధికార యంత్రాంగమంతా నీరు-మట్టి, 5కె రన్‌ పేర్లతో హడావుడి చేస్తున్నారు. ప్రధానమంత్రి మోడీ సహా ప్రముఖ నేతలు, సెలబ్రిటీలు శంకుస్థాపనకు హాజరు కాబోతున్నట్లు వార్తలొస్తున్నాయి. సందడి నెలకొన్నది. వందల కోట్ల రూపాయలు ఇష్టారాజ్యంగా ఖర్చు చేస్తున్నారు. ఆహ్వానపత్రిక మొదలు వంటకాల వరకు అన్నీ ప్రచార అంశాలుగా మార్చేశారు. ఈ నేపథ్యంలో రాజధాని గురించే సర్వత్రా చర్చ నెలకొన్నది.

భారత్‌లో కాలు మోపేందుకు వాల్‌మార్ట్‌ అడ్డదారులను ఆశ్రయించింది. భారత్‌లో తన వ్యాపారాన్ని ప్రారంభించేందుకు వేలాదిమందికి కోట్లాది రూపాయల ముడుపులు చెల్లించిట్టు ఆరోపణలు వెల్లువెత్తుతున్నాయి. వాల్‌స్ట్రీట్‌ జర్నల్‌లో వచ్చిన ప్రత్యేక కథనం వాల్‌మార్ట్‌ ముడుపుల బాగోతాన్ని బయటపెట్టింది. 2013 నుంచి కనీసం 2 వందల డాలర్ల చొప్పున అత్యధికులకు ముడుపులు ముట్టాయని పేర్కొంది.