దేశంలో పెరుగుతున్న మత హింస, దబోల్కర్‌, పన్సారే, కల్బుర్గివంటి హేతువాద ఉద్యమ నేతలు, కార్యకర్తల హత్యలు, పెరుగుతున్న అసహనాన్ని నిరసిస్తూ ప్రభుత్వం, వివిధ సంస్థల నుండి అందుకున్న అత్యున్నత పురస్కారాలను వాపసు చేసి నిరసన వ్యక్తం చేస్తున్న మేధావులను పొలిట్‌బ్యూరో అభినందించింది

బీహార్‌ ఎన్నికల్లో బిజెపి ఓడిపోతే పాకిస్తాన్‌లో టపాసులు కాల్చుకుంటారంటూ బిజెపి అధ్యక్షుడు అమిత్‌షా చేసిన వ్యాఖ్యలను సిపిఎం ప్రధాన కార్యదర్శి సీతారాం ఏచూరి తీవ్రంగా ఖండించారు. ప్రధాని నరేంద్రమోడీతో పాటు అమిత్‌షా మత శక్తులను ప్రోత్సహిస్తూ వారికి నాయకత్వం వహిస్తున్నారని శుక్రవారం ఇక్కడ మీడియా సమావేశంలో విమర్శించారు. ఈ వ్యాఖ్యలు ఎన్నికల ప్రవర్తనా నియమావళిని ఉల్లంఘించటమే అవుతుందని, బీహార్‌లో ఢిల్లీ తరహా పరాభవమే ఎదురవుతుందని ఊహించే అమిత్‌షా ఈ వ్యాఖ్యలు చేశారని అన్నారు.

సమాజ శ్రేయస్సు, లౌకిక విలువల కోసం కృషి చేసే సాహితీవేత్తలకు కేంద్ర మంత్రులు రాజకీయాలు అంటగట్టడం దురదృష్టకరమని సిపిఎం పొలిట్‌బ్యూరో సభ్యులు బివి రాఘవులు ఆవేదన వ్యక్తం చేశారు. 'దేశంలో గొప్ప మేధావులుగా గుర్తించినవారికి పతకాలిచ్చారు. అలాంటి వారి చైతన్యాన్నీ, తెలివితేటల్నీ అవమానించడం సరికాదు' అని ఆయన అన్నారు. విద్వేషపూరితంగా, రెచ్చగొట్టేలా ప్రకటనలు చేస్తున్న బిజెపి నేతలను ఆక్షేపించకుండా సాహితీవేత్తలపై విమర్శలు చేస్తున్నారని మంత్రులను దుయ్యబట్టారు. 

అభివృద్ధి అనే మాట ఇప్పుడు ఆంధ్రప్రదేశ్‌లో ఒక మంత్రంలా వినపడుతోంది. ఇంకొక విధంగా చెప్పాలంటే దేశంలో కూడా మన నాయకులు చాలా చోట్ల ఈ పదాన్ని పదే పదే ఉపయోగిస్తూ ప్రజలను ఆకర్షించడానికి ప్రయత్నిస్తున్నారు. కొన్ని చోట్ల వేలాది, లక్షలాది మంది ప్రజలను నిర్వాసితులను చేస్తున్నారు. అలాగే లక్షలాది ఎకరాలను వివిధ రకాల పేర్లతో సేకరిస్తున్నారు. అభివృద్ధి చేస్తున్నాం అనే పేరుతో ప్రజల ఆస్తులను, హక్కులను హరిస్తున్నట్లు అనేక వార్తలను చూస్తున్నాం. అభివృద్ధి చేస్తున్నాం కదా అని ప్రజలు త్యాగాలు చేయాలి, నష్టాలు భరించాలని చెబుతున్నారు. నాయకులు అభివృద్ధి చేస్తున్నారు కనుక ప్రజలు కష్టాలు భరించాలా?

ఇంటర్‌నెట్‌ను అందరికీ ఉచితంగా అందించడం సాధ్యంకాదని భారత పర్యటనలో ఉన్న ఫేస్‌బుక్‌ వ్యవస్థాపకుడు జుకెర్‌బర్గ్‌ బుధవారం ఢిల్లీ ఐఐటి విద్యార్థులతో ముచ్చటిస్తూ ఇంటర్‌నెట్‌ న్యూట్రాలిట ీ(తటస్థత)కి పూర్తి మద్దతు ప్రకటించారు. ప్రపంచవ్యాప్తంగా నెట్‌ తటస్థత ఉండాలని, అదే సమయంలో ప్రజలందరికీ ఇంటర్‌నెట్‌ సదుపాయం అందుబాటులోకి తెచ్చేందుకు తాము ప్రయత్నిస్తున్నామని ఓ విద్యార్థి అడిగిన ప్రశ్నకు సమాధానంగా ఆయన తెలిపారు.