కార్మికుల మెడలపై కత్తి వేసే విధంగా ఉన్న ప్రభుత్వ విధానాలను తిప్పకొట్టడానికి ఐక్య పోరాటాలే శరణ్యమని సిఐటియు రాష్ట్ర ప్రధాన కార్యదర్శి ఎంఏ గఫూర్‌ పిలుపునిచ్చారు. బుధవారం కర్నూలు జిల్లా కొలిమిగుండ్ల మండలం బెలుం గుహల ఆవరణంలో నిర్వహించిన సిఐటియు రాష్ట్ర స్థాయి క్లస్టర్‌ సమావేశంలో ఆయన ప్రసంగించారు. కేంద్రంలో బిజెపి, రాష్ట్రంలో టిడిపి అధికారంలోకి వచ్చిన తర్వాత కార్మిక చట్టాలను సవరిస్తూ, ప్రయివేటు సంస్థలను ప్రోత్సహిస్తున్నాయని మండిపడ్డారు. గత కార్మిక చట్టాల్లో ఎనిమిది గంటల పని దినాలు ఉన్నా, వాటిని ప్రయివేటు యాజమాన్యాల లాభాల కోసం బిజెపి సవరించి తీరుతామని చెప్పడం విడ్డూరమన్నారు.

 ప్రధానమంత్రి నరేంద్ర మోడీ తాను రూపొందించిన పథకమం టూ గొప్పగా ప్రచారం చేసుకొంటు న్న ''మేక్‌ ఇన్‌ ఇండియా'' ప్రపంచ బ్యాంకు రూపొందించిన పథకమని స్పష్టమౌతున్నది. 2015 సెప్టెంబ రులో ప్రపంచబ్యాంకు రూపొందించిన ''అసెస్‌మెంట్‌ ఆఫ్‌ స్టేట్‌ ఇంప్లిమెంటేషన్‌ ఆఫ్‌ బిజినెస్‌ రిఫార్మ్స్‌'' నివేదిక ఈ విషయాన్ని స్పష్టం చేస్తున్నది. తయారీ సరుకుల ఎగుమతులను, భారతదేశంలో తయారైన సరుకుల పోటీత త్వాన్ని పెంచటానికి సహకరించాలని ప్రధాని మోడీ 2014లో ప్రపంచబ్యాంకును కోరి నట్లు నివేదికకు రాసిన ముందుమాటలో ప్రపంచబ్యాంకు కంట్రీ డైరెక్టర్‌ ఒన్నో రుహుల్‌ పేర్కొన్నాడు.

దేశంలో మోడీ అధికారంలోకి వచ్చిన తరువాత అన్ని రకాల ఆధిపత్యం పెరిగిందని, ఇప్పుడు ఏకంగా తినే తిండిని కూడా అది శాసించేందుకు కేంద్రంలో మోడీ సర్కార్‌ ప్రయత్నిస్తోందని సిపిఎం పొలిట్‌ బ్యూరో సభ్యులు పినరయి విజయన్‌ ధ్వజమెత్తారు. ఆర్‌ఎస్‌ఎస్‌ సిద్ధాంతాన్ని ప్రజలపై రుద్ది, తమ పబ్బం గడుపుకోవడానికి బిజెపి, ఆర్సెస్స్‌లు కుట్రలు పన్నుతున్నాయని ఆయన ఆరోపించారు.

 ముఖ్యమంత్రి సొంత జిల్లా చిత్తూరులో హెల్త్‌ ఎమర్జెన్సీని ప్రకటించి ప్రత్యామ్నాయ వైద్య సదుపాయాలు అందించాలని సిపిఎం రాష్ట్ర కార్యదర్శి వర్గ సభ్యులు సిహెచ్‌ నరసింగరావు డిమాండు చేశారు. శ్రీకాళహస్తి పట్టణంలో ఇటీవల డెంగీతో మృతి చెందిన జయశ్రీ,ఇషాంక్‌ కుటుంబ సభ్యులను ఆయన పరామర్శించారు. ప్రభుత్వ, ప్రయివేటు ఆస్పత్రులలో తమ బిడ్డలకు సరైన వైద్యం అందకపోవడం వల్లే మృతి చెందారని బాధిత తల్లిదండ్రులు తమ ఆవేదన వ్యక్తం చేశారు .  చిత్తూరు జిల్లాలో మూడు నెలల వ్యవధిలో డెంగీతో 20 మంది మృతి చెందారని, ఇతర జ్వరాలతో లక్షా 44 కేసులు నమోదైనా ప్రభుత్వం ఏమాత్రం పట్టించుకోలేదని ఆయన విమర్శించారు.