విశాఖ ఏజెన్సీలోని ప్రముఖ పర్యాటక కేంద్రం అరకులోయలో గిరిజనులు, సిపిఎం, వివిధ ప్రజాసంఘాల నిరసనల మధ్య అరకు ఉత్సవ్‌ను రాష్ట్ర మానవ వనరులశాఖ మంత్రి గంటా శ్రీనివాసరావు శుక్రవారం ప్రారంభించారు. బాక్సైట్‌ జిఒ 97, స్థానికుల సమస్యలపై ప్రభుత్వం స్పష్టత ఇవ్వకుండా ఉత్సవాలు చేపట్టడంపై గిరిజనులు ఆగ్రహం వ్యక్తం చేశారు.

శీతాకాలంలో వాడివేడిగా సాగిన పార్లమెంట్‌ ఉభయసభలు బుధవారం నిరవధికంగా వాయిదా పడ్డాయి. ఎన్డీయే సర్కారు మెజార్టీలో ఉన్న లోక్‌సభలో మొత్తం 13 బిల్లులకు ఆమోదం లభించగా, రాజ్యసభలో తొమ్మిది బిల్లులు ఆమోదం పొందాయి...బాలల న్యాయ చట్ట సవరణ బిల్లు, ఎస్సీ, ఎస్టీ అత్యాచారాల నిరోధక బిల్లు, బోనస్‌ చెల్లింపుల బిల్లు, ఆర్బిట్రేషన్‌, కాన్సిలేషన్‌(సవరణ)బిల్లు, పరిశ్రమల (అభివృద్ధి, క్రమబద్ధీకరణ) సవరణ బిల్లు, అణుశక్తి సవరణ బిల్లు, వాణిజ్య కోర్టులు, డివిజన్లు, వాణిజ్య అప్పిలేట్‌ డివిజన్‌ హైకోర్టుల బిల్లు, న్యాయమూర్తుల వేతనాల సవరణ బిల్లు తదితర బిల్లులున్నాయి.

ఎపి సర్కార్ అవలంభిస్తున్న ప్రజావ్యతిరేక విధానాల వల్లే రైతుల ఆత్మహత్యలు పెరిగాయని సీపీఎం ఎపి రాష్ట్ర కార్యదర్శి పి.మధు ఆరోపించారు. ఈమేరకు ఆయన విజయవాడలో మీడియాతో మాట్లాడారు. వ్యవసాయ రంగాన్ని చంద్రబాబు పట్టించుకోవడం లేదని మండిపడ్డారు. ప్రభుత్వం అనుసరిస్తున్న విధానాల మూలంగా రైతాంగంపై రుణభారం పెరిగిందన్నారు. వ్యవసాయరంగంలో రుణభారం పెరిగిపోయిందని చెప్పారు. కౌలు రైతులకు రుణాలు ఇస్తామని ప్రభుత్వం మోసం చేసిందని విమర్శించారు. డ్వాక్రా మహిళలకు ఇచ్చే రుణాలు కూడా తగ్గిపోయాయని పేర్కొన్నారు. అనంతపురం, కర్నూలు , ప్రకాశం జిల్లాల్లో దారుణంగా రైతులు ఆత్మహత్యలు చేసుకుంటున్నారన్నారు.

ఢిల్లీ క్రికెట్‌ బోర్డు (డీడీసీఏ) కుంభకోణానికి సంబంధించి జైట్లీపై తీవ్ర ఆరోపణలు చేసిన బీజేపీ ఎంపీ కీర్తి ఆజాద్‌ను శత్రుఘ్నసిన్హా హీరోగా అభివర్ణించారు. 'కీర్తి ఆజాద్‌ - హీరో ఆఫ్‌ ద డే' అంటూ పార్టీపై బహిరంగ విమర్శలు చేస్తున్న శత్రుఘ్నసిన్హా ట్వీట్‌ చేశారు. ఆజాద్‌పై చర్య తీసుకోరాదంటూ ఆయన పార్టీకి విజ్ఞప్తి చేశారు.

ఏపీ ప్రభుత్వ కక్షసాధింపు చర్యలను నిరసిస్తూ తిరుపతిలో అంగన్‌వాడీ కార్యకర్తలు రోడ్డెక్కారు. సమ్మెలో పాల్గొన్న అంన్ వాడీలను తొలగిస్తూ... ప్రభుత్వం విడుదల చేసిన జీవోకు వ్యతిరేకంగా ర్యాలీ నిర్వహించారు. జీవోకు వ్యతిరేకంగా తిరుపతి కలెక్టరేట్ దగ్గర ఆందోళనకు దిగారు. ప్రజాస్వామ్యబద్దంగా ఆందోళన చేసిన అంగన్‌వాడీల తొలగించాలంటూ ప్రభుత్వం జీవో జారీ చేయడం అన్యాయమని అంటున్నారు.