పశ్చిమబెంగాల్‌లో త్వరలో జరగనున్న రాష్ట్ర శాసనసభ ఎన్నికల్లో అనుసరించాల్సిన వ్యూహాలపై ప్లీనంలో చర్చించలేదని ఏచూరి ఒక ప్రశ్నకు సమాధానంగా చెప్పారు. స్థానిక పరిస్థితులకు అనుగుణంగా ఎన్నికల్లో ఎలాంటి వ్యూహం అనుసరించాలో రాష్ట్ర కమిటీ నిర్ణయిస్తుందని, దానికి కేంద్ర కమిటీ ఆమోదం తప్పనిసరని చెప్పారు. అయితే బెంగాల్‌ రాష్ట్ర కమిటీ కాంగ్రెస్‌తో పొత్తుకు అనుకూలంగా ఉందన్న మీడియా ఊహాగానాలను ఆయన కొట్టిపారేశారు. 'ఒకవేళ కాంగ్రెస్‌తో పొత్తుకు సిద్ధమైతే' అన్న విలేకరుల ప్రశ్నకు.. సీపీఎంలో 'ఒకవేళ' అన్న ప్రశ్న ఉత్పన్నం కాదని స్పష్టం చేశారు..

‘ఓం సిటీ’కి తెలంగాణ సర్కారు వెయ్యి ఎకరాల భూమి కేటాయించబోతోంది. ఇందులో ఐదు వందల ఎకరాల వరకూ ప్రభుత్వ భూమి కాగా..మిగిలిన మొత్తం సేకరించి ఇవ్వనుంది. ఈనాడు గ్రూపు సంస్థల అధినేత రామోజీరావు కొద్ది కాలం క్రితమే తెలంగాణ ముఖ్యమంత్రి కె. చంద్రశేఖర్ రావుతో సమావేశం అయి..ఓం సిటీ ప్రాజెక్టు గురించి వివరించటంతోపాటు..ప్రాజెక్టుకు సహకరించాల్సిందిగా కోరారు. దీనిపై సీఎం కెసీఆర్ కూడా సానుకూలంగా స్పందించటంతో పాటు..ఈ ప్రతిష్టాత్మక ప్రాజెక్టుకు అన్ని రకాలుగా సహకరిస్తామని హామీ ఇచ్చారు.

ఢిల్లీ ముఖ్యమంత్రి కేజ్రివాల్‌తో సహా ఆప్‌ నేతలపై ఆర్థిక మంత్రి అరుణ్‌ జైట్లీ విరుచుకుపడ్డారు. డీడీసీఏలో అవినీతి జరిగిందంటూ గత కొద్దిరోజులుగా జైట్లీని లక్ష్యంగా చేసుకుని ఆప్‌ నేతలు విమర్శలు గుప్పిస్తున్న తరుణంలో గురువారం జైట్లీ ఎదురుదాడి చేశారు. 'ఢిల్లీ అసెంబ్లీలో, వెలుపల ప్రధానిని ఇతరులనుద్దేశించి ముఖ్యమంత్రి కేజ్రీవాల్‌ చేసిన ప్రకటనలేంటి? భారత ప్రభుత్వ అధికారులెవరైనా అటువంటి భాషను ఉపయోగిస్తారా? ఆ వ్యాఖ్యలు దేశవ్యాప్తంగా ఆగ్రహాన్ని రగిలించాయి. అధికారంలో వున్నవారు కాస్తంత సంయమనం పాటించాలి. వారు విపరీతంగా వ్యవహరించకూడదు.

 పార్టీ నిర్మాణాన్ని బలోపేతం చేస్తేగాని పార్టీ అఖిల భారత మహాసభల్లో తీసుకున్న నిర్ణయాలను సాధించలేము. ఆ నిర్ణయాల్లో మొదటిది, పార్టీ స్వతంత్ర బలాన్ని పెంచుకోవడం. దానికి ఆధారంగా వామపక్ష ఐక్యతను పెంపొందించాలి. అలాగే ఇది సాధించేందుకు వామపక్ష, ప్రజాస్వామ్య శక్తులను కూడగట్టి జాతీయ స్థాయిలో వామపక్ష ప్రజాతంత్ర సంఘటన (ఎల్‌డి ఎఫ్‌)ను ఏర్పాటు చేయాలి. ఈ లక్ష్యాలను సాధించేందుకు పార్టీ నిర్మాణాన్ని పటిష్టపరచుకోవాలి.

 గిరిజన ప్రాంతంలో బాక్సైట్‌ తవ్వకాలతో సహా విద్య, వైద్యం, వ్యవసాయం, తాగునీటి సమస్యలతో పాటు ఎన్నో తీవ్రమైన సమస్యలు ఉన్నప్పటికీ వాటిని పరిష్కరించకుండా కాంట్రాక్టర్లను సంతృప్తి పర్చేందుకు, గొప్పల కోసం అరకు ఉత్సవాలను నిర్వహించడం సరికాదని సిపిఎం తప్పుపట్టింది. ఉత్సవాల నిర్వహణపై ప్రజాస్వామ్య బద్ధంగా నిరసన తెలుపుతున్న గిరిజన ప్రజలు, నాయకులను పోలీసులు విచక్షణ రహితంగా ఈడ్చివేస్తూ అరెస్టు చేయ టాన్ని సిపిఎం రాష్ట్ర కార్య దర్శి పి.మధు తీవ్రంగా ఖండించారు..