దేశంలో గాడ్సేను పొగిడిన ప్రధాని మోడీ..లండన్‌ పార్లమెంట్ ఆవరణలో గాంధీని పొగడటం బీజేపీ ద్వంద్వ వైఖరికి నిదర్శనమని సీపీఎం ప్రధాన కార్యదర్శి సీతారం ఏచూరి విమర్శించారు. దేశంలో మతోన్మాదాన్ని ప్రోత్సహిస్తున్న మోడీకి బీహార్‌ ఎన్నికలు చావుదెబ్బవంటివని అన్నారు. మోడీ చేస్తున్న విదేశి పర్యటనలన్నీ మన దేశంలోకి విదేశీ పెట్టుబడుదారులకు రెడ్‌ కార్పెట్‌ వేసేందుకేనని చెప్పారు.

ప్రస్తుతం బ్రిటన్‌లో పర్యటిస్తున్న భారత ప్రధాని నరేంద్రమోడీకి ఎర్రతివాచీ పరచి స్వాగతం చెప్పటం సరికాదని, ఆ దేశంలో కొనసాగుతున్న మానవహక్కుల హననానికి నిరసనగా ఎర్రజెండాలు ఎగురవేసి నిరసన తెలపాలని ఆమ్నెస్టీ ఇంటర్నేషనల్‌ సంస్థ బ్రిటన్‌ ప్రధాని డేవిడ్‌ కెమరాన్‌ను కోరింది. ఆమ్నెస్టీ బ్రిటన్‌ విధాన నిర్ణయ విభాగం అధిపతి అల్‌ హోగార్త్‌ శుక్రవారం ఇక్కడ మీడియాతో మాట్లాడుతూ భారత్‌లో స్వచ్ఛంద సంస్థలు, కార్యకర్తలు తమ కార్యకలాపాలను కొనసాగించేందుకు అనేక అడ్డంకులను ఎదుర్కొంటున్నారని, కొంతమందిపై బురద జల్లు తూ మరికొంతమందిపై నల్ల ఇంకు పూస్తూ వారిని జాతి వ్యతిరేకులుగా ఆరోపిస్తున్నారని చెప్పారు.

మాస్టర్‌ప్లాన్‌పై అవగాహన కోసం గురువారం ఏర్పాటైన సదస్సులో రైతుల ప్రశ్నలకు మంత్రులుగాని, అధికారులుగాని సమాధానాలు చెప్పలేకపోయారు. దీంతో తమ భవిషత్తు ఏమిటో తెలియక రైతుల్లో అయోమయం ఏర్పడింది. సమీకరణలో భూములిచ్చిన వారికి కేటాయిస్తామన్న స్థలాలు ఇవ్వలేదు. కనీసం ఎక్కడ ఇస్తారో కూడా చెప్పటంలేదు. ఇంకా చర్చించాలంటున్నారు. ఇంతవరకు సిఆర్‌డిఎ మండల స్థాయి రికార్డుల ఆధారంగా సర్వే చేయలేదు. పూలింగులో ఇచ్చిన భూములు, రికార్డుల ప్రకారం ఉన్న భూముల వివరాల్లో ఏమైనా హెచ్చుతగ్గులుంటే ఈ సర్వేలో బయటపడతాయి. దీన్ని ఈ నెలలో చేపట్టాలని నిర్ణయించారు. గ్రామ కంఠాల సమస్యనూ పరిష్కరించలేదు.

దేశవ్యాప్తంగా, రాష్ర్టవ్యాప్తంగా కార్మిక సమస్యలపై, బలవంతపు భూసేకరణకు వ్యతిరేకంగా ఉద్యమిస్తామని ఏపీ సీపీఎం రాష్ర్ట కార్యదర్శి మధు చెప్పారు. ఢిల్లీలో జరుగుతున్న సీపీఎం కేంద్ర కమిటీ సమావేశాలకు మధు హాజరయ్యారు. దేశ వ్యాప్తంగా నిర్వహించే ఉద్యమాలపై కేంద్ర కమిటీలో చర్చించామన్నారు. చంద్రబాబు ప్రభుత్వం వ్యాట్ రూపంలో ప్రజలపై భారాలు మోపుతున్నారని, దీనికి వ్యతిరేకంగా పోరాడుతామని అన్నారు.