బీహార్‌లో బిజెపికి వ్యతిరేకంగా వచ్చిన ఫలి తాలు ఇప్పుడు పార్టీ అధ్యక్షుడు అమిత్‌ షా పీఠానికే ఉచ్చు బిగిస్తున్నాయి. జనవరితో షా ప్రస్తుత పదవీకాలం ముగిసి పోతోంది. ఆ సమయానికి మంత్రివర్గంలో చోటు కల్పించ డం ద్వారా షాను తన చెంత నుంచి దూరం కాకుండా చూసుకోవాలని మోడీ ఆలోచిస్తున్నారన్న ఊహాగానాలు వెలువడుతున్నాయి.. బీహార్‌ ఎన్నికల ఫలితాలు వెల్లడై నప్పటి నుంచి షా వ్యవహార శైలిపై విమర్శలు వినిపిస్తున్నాయి.

ప్రముఖ నటుడు గిరీష్ కర్నాడ్‌ను చంపేస్తామంటూ బెదిరింపులు వచ్చాయి. టిప్పు సుల్తాన్ జయంతి సందర్భంగా  బెంగలూరు కెంపెగౌడ అంతర్జాతీయ విమానాశ్రయానికి టిప్పు సుల్తాన్ పేరు పెట్టాలని గిరీష్‌ ఓ సభలో డిమాండ్‌ చేశారు. దీంతో కర్నాటక రచయిత కల్బుర్గి, మహారాష్ట్రలో పన్సారేకు పట్టిన గతే పడుతుందని ట్విట్టర్‌లో గిరీష్‌ కర్నాడ్‌ను కొందరు హెచ్చరించారు.

నిత్యావసర సరుకుల ధరలు సామాన్య ప్రజలకు అందుబాటులో లేకుండా పెరిగిపోతున్నాయి. గతంలో ఉల్లిపాయల ధరలు పెరిగాయి. ఇప్పుడు కందిపప్పు ధరలు ఆ విధంగానే పెరుగుతున్నాయి. మార్కెట్‌లో కిలో రూ.15 నుంచి రూ.20 లభించే ఉల్లిపాయల ధరలు రూ.80 దాటి పెరిగి, ఇప్పుడు రూ.25-30 వద్ద ఉన్నాయి. రూ.80-90 కందిపప్పు ధర గత నాలుగు మాసాల నుంచి పెరుగుతూ కోడిమాంసం ధరలను దాటి, ఏటమాంసం ధరలను అందుకొనే వైపుగా పరుగులు తీస్తున్నది. ఇతర పప్పుల ధరలు కూడా ఈ విధంగానే పెరుగుతున్నాయి. ఈ సరుకుల ధరలు పెరగటానికి కారణమేమిటి?