రిజర్వ్‌ బ్యాంక్‌ ఆఫ్‌ ఇండియా(ఆర్బీఐ) గవర్నర్‌ రఘురామ్‌ రాజన్‌ని ఆ పదవి నుంచి తొలగించాలని భాజపా సీనియర్‌ నేత, రాజ్యసభ సభ్యుడు సుబ్రహ్మణ్య స్వామి అన్నారు. ఈ మేరకు ఆయన ప్రధాన మంత్రి నరేంద్ర మోదీకి లేఖ రాశారు.రాజన్‌ భారత ఆర్థిక వ్యవస్థకు ప్రమాదకరంగా మారారని విమర్శించారు.

కేరళ సీపీఎం కురువృద్ధ నేత, మాజీ సీఎం వీఎస్ అచ్చుతానందన్ తనదైన శైలిలో ప్రధాని నరేంద్రమోదీపై ఘాటు విమర్శలు చేశారు. ఎంతసేపు స్వచ్ఛ భారత్, మరుగుదొడ్ల నిర్మాణం అని చెప్పే మోదీ.. ముందు దేశంలో చాలామందికి తినడానికి తిండి కూడా లేదనే విషయం గుర్తించాలని అన్నారు. అసలు తిండే లేనప్పుడు మరుగుదొడ్డి కట్టుకొని ఏం చేస్తారని ఆయన వినూత్న విమర్శ చేశారు.

దేశంలో నిరుద్యోగం పెరుగుదల, ఉద్యోగాలు పెరగక పోవటాన్ని గురించి ఈమధ్య కార్పొరేట్‌ మీడియా చర్చ చేస్తున్నది. లేబర్‌ బ్యూరో చేసిన త్రైమాసిక సర్వేలో ఉద్యోగాల పెరుగుదల ఎక్కువగా ఉండే ఎనిమిది రంగాలైన బట్టల పరిశ్రమ, చేనేత వస్త్రాలు, బంగారు నగలు, నూలు ఉత్పత్తి, ఐటి రంగం, తోలు ఉత్పత్తులు, లోహాలు, ఆటోమొబైల్స్‌లలో 2014లో 4,90,000 మందికి, 2009లో 12,50,000 మందికి ఉద్యోగాలుకల్పించగా 2015లో 1,50,000 మందికి మాత్రమే ఉద్యోగాలు కల్పించి నట్లుగా వెల్లడి కావటం ఈ చర్చకు తక్షణ కారణం కావచ్చు. గ్రామీణ ఉద్యోగితకు సంబంధించి పరిస్థితి మరింత దారుణంగా ఉన్నది. జిడిపిలో వ్యవసాయ రంగం వాటా తగ్గుతున్నది.

నరేంద్రమోదీతో ఈనెల 17వ తేదీన సమావేశం కాబోతున్న ముఖ్యమంత్రి చంద్రబాబు నాయుడు రాష్ట్ర సర్వతోముఖాభివృద్ధికి విభజన చట్టంలో పొందుపరిచిన నిబంధనలన్నీ అమలు చేయాలని కోరబోతున్నారు. అప్పటి ప్రధాని మన్మోహన్‌సింగ్‌ ప్రకటించినట్టుగా రాష్ట్రానికి ప్రత్యేకహోదా, ఏడు వెనుకబడిన జిల్లాలకు రూ.24,350 కోట్ల ప్రత్యేక ప్యాకేజీ ఇవ్వాలని విజ్ఞప్తి చేయనున్నారు. రెవిన్యూలోటు భర్తీ, పోలవరం, రాజధాని నిర్మాణానికి నిధుల అంశాన్ని కూడా ప్రధానమంత్రి ముందుంచబోతున్నారు.

రాజ్యసభ ద్వైవార్షిక ఎన్నికలకు కేంద్ర ఎన్నికల సంఘం గురువారం షెడ్యూలు విడుదల చేసింది. దేశవ్యాప్తంగా 15 రాష్ట్రాలకు చెందిన 57 మంది సభ్యుల పదవీ కాలం జూన్-ఆగస్టు మధ్య పూర్తవుతున్నందున జూన్ 11న ఎన్నికల నిర్వహిస్తామని పేర్కొంది. పదవీ విరమణ చేస్తున్న వారిలో ఆంధ్రప్రదేశ్ నుంచి నలుగురు, తెలంగాణ నుంచి ఇద్దరు ఉన్నారు