గుజరాత్‌లో పటేల్‌ వర్గానికి రిజర్వేషన్లు కల్పించాలంటూ ఉద్యమించిన పటేల్‌ వర్గనేత హార్దిక్‌ పటేల్‌, మరో ముగ్గురిపై దేశద్రోహం కేసును సిటీ సెషన్స్‌ కోర్టు విచారించనుంది.

ముద్రగడతో చర్చలు మంచి వాతావరణంలో జరిగాయని టీడీపీ నేత కళా వెంకట్రావు అన్నారు. గత నాలుగు రోజులుగా ఆమరణ దీక్షకు దిగిన ముద్రగడతో ప్రభుత్వ ప్రతినిధుల చర్చలు సఫలం కావడంతో ఆయన దీక్ష విరమించారు. ఈ సందర్భంగా కళా వెంకట్రావు మీడియాతో మాట్లాడుతూ ముద్రగడతో అన్ని విషయాలు మాట్లాడామన్నారు. వచ్చే బడ్జెట్‌లో కాపు కార్పొరేషన్‌కు రూ.వెయ్యి కోట్లు కేటాయిస్తామని ఆయన హామీ ఇచ్చారు. 

ప్రధాన మంత్రి నరేంద్ర మోడి గుజరాత్‌ ముఖ్యమంత్రిగా ఉన్నప్పుడు జరిగిన భూ కుంభకోణంను తెర పైకి తీసుకురావాలని కాంగ్రెస్‌ నిర్ణయించింది. నరేంద్ర మోడి గుజరాత్‌ ముఖ్యమంత్రిగా, ఆనంది బెన్‌ పటేల్‌ రెవెన్యూ మంత్రిగా ఉన్నప్పుడు జరిగిన భూ,నిధుల కేటాయింపుల దుర్వినియోగం పై సుప్రీంకోర్టు పర్యవేక్షణలో సిట్‌ చే విచారణ చేపట్టాలని కాంగ్రెస్‌ అధికార ప్రతినిధి ఆనంద్‌ శర్మ డిమాండ్‌ చేశారు.' ప్రభుత్వ ,అటవీ భూముల కేటాయింపుల్లో అక్రమాలు జరిగాయి. చాలా తక్కువ మొత్తానికి ఆ భూములను ' కార్పోరేట్‌ మిత్రులకు' అప్పటి గుజరాత్‌ ప్రభుత్వం విక్రయించారు' అని ఆయన ఆరోపించారు.

దేశంలోని వివిధ విశ్వవిద్యాలయాలను మానవ కబేళాలుగా మార్చేందుకు కేంద్రంలోని బిజెపి సర్కారు ప్రయత్నిస్తున్నదని భారత విద్యార్థి సమాఖ్య (ఎస్‌ఎఫ్‌ఐ) విమర్శించింది. ఇటీవలి కాలంలో ఒకదాని తరువాత ఒకటిగా విశ్వవిద్యాలయాల్లో విద్యార్థుల ఆత్మహత్యలకు దారి తీస్తున్న పరిణామాలపై ఎస్‌ఎఫ్‌ఐ కేంద్ర కమిటీ ఒక ప్రకటనలో ఆందోళన వ్యక్తం చేసింది. హైదరాబాద్‌ కేంద్ర విశ్వవిద్యాలయంలో రోహిత్‌ ఆత్మహత్య చిచ్చు చల్లారకముందే మరో యువ మేథావి ప్రాణాలు తీసుకోవటం వంటిప రిణామాలను పరిశీలిస్తే దేశంలోని విశ్వవిద్యాలయాలు విద్యార్ధులు, యువ మేధావుల కబేళాలుగా మారుతున్నాయన్న భావన కలుగక మానదని ఎస్‌ఎఫ్‌ఐ పేర్కొంది.