కాకినాడ ప్రభుత్వ సామాన్య ఆసుపత్రిలో గత 15 సంవత్సరాలుగా కాంట్రాక్ట్ అవుట్ సోర్సింగ్ పద్దతిలో సేవలందిస్తున్న 240మంది ఉద్యోగులకు జి.వో 151 ప్రకారం కనీసవేతనాలు ఇవ్వాలని చేపట్టిన ఆందోళనకు మద్దతు ఇచ్చిన సిపిఎం రాష్ట్ర కార్యదర్శి పి.మధు, సిపిఎం జిల్లా కార్యదర్శి దువ్వ శేషబాబ్జి .. రాష్ట్రముఖ్యమంత్రి దృష్టికి సమస్యను తీసుకువెళ్తానని, మిగిలిన వామపక్షాలను కలుపుకొని సమస్య పరిష్కరానికి ఉద్యమిస్తామని తెలిపారు...

వస్తు, సేవల పన్ను (జీఎస్‌టీ)ను సాఫీగా అమల్లోకి తెచ్చేందుకు వాణిజ్య, పారిశ్రామిక సంఘాల ప్రతినిధులతో ఎక్సైజ్‌, కస్టమ్స్‌ కేంద్రీయ బోర్డు (సీబీఈసీ) సంప్రదింపులు చేపట్టింది. బుధవారం ప్రారంభమై, శుక్రవారం వరకు కొనసాగనున్న ఈ సంప్రదింపుల్లో రెవెన్యూ కార్యదర్శి హస్ముఖ్‌ అధియా, సీనియర్‌ అధికారులు పాల్గొంటున్నారు.సమాచార, సాంకేతిక పరిజ్ఞానం (ఐటీ), ఐటీ ఆధారిత సేవారంగాల (ఐటీఈఎస్‌), రవాణా రంగ ప్రతినిధులతో అధియా, సీనియర్‌ అధికారుల చర్చలు పూర్తయ్యాయి. ఇ కామర్స్‌, టెలికాం, బ్యాంకింగ్‌, చమురు-సహజవాయువు రంగాల ప్రతినిధులతో చర్చలు జరుపుతున్నారు.

సమాజ్‌వాదీ పార్టీ అధినేత, మాజీ రక్షణశాఖ మంత్రి ములాయంసింగ్‌ యాదవ్‌ 18 ఏండ్ల నాటి రహస్యాన్ని బట్టబయలు చేశారు.తాను బోఫోర్స్‌ కొనుగోళ్లకు సంబంధించిన ఫైళ్లను మాయం చేశానని చెబుతూ అక్కడున్న వారందరినీ ఆశ్చర్యంలో పడవేశారు. 1996-98 మధ్య యునైటెడ్‌ ఫ్రంట్‌ కేంద్రంలో అధికారంలో ఉన్నప్పుడు రక్షణ మంత్రిగా పనిచేసిన ములాయం ఆ ఫైళ్లను తాము ఉద్దేశపూరితంగానే దాచిపెట్టామని చెప్పారు.

చేనేత శాఖ మంత్రిగా స్మతి ఇరానీ బాధ్యతలు స్వీకరించి రెండు నెలలు కూడా గడవకముందే ఆ శాఖలో మరో వివాదాన్ని మూటగట్టుకున్నారు. అత్యంత సీనియర్‌ అధికారి, చేనేత శాఖ కార్యదర్శి రష్మీ వర్మతో వివాదానికి దిగారు.జూన్‌ 22న క్యాబినెట్‌ ఆమోదించిన రూ. 6వేల కోట్ల రూపాయల దుస్తులు, వస్త్ర ప్యాకేజీకి సంబంధించి, అక్టోబర్‌లో జరుగబోయే టెక్స్‌టైల్‌ సదస్సు, తదితర విషయాలపై విధానపరమైన పరిపాలనకు సంబంధించి కార్యదర్శితో వివాదాలు నెలకొన్నాయి. ఇతర అధికారుల ముందే కార్యదర్శితో స్మృతి వాగ్వివాదానికి దిగినట్టు టెక్స్‌టైల్‌ శాఖ వర్గాలు తెలిపాయి.