బీహర్లో నితీష్ కుమార్ ప్రభుత్వం విధించిన సంపూర్ణ మద్యనిషేధంపై A.N సింగ్ అనే వ్యక్తి పాట్నా హైకోర్టులో ప్రజా ప్రయోజన వ్యాజ్యం (PIL) దాఖలు చేశాడు. 
ఈ నిషేధం మనిషి తినే తిండి, తాగే అలవాట్లను అరిస్తుందని పెర్కొన్నాడు. రాజ్యాంగంలోని అరిక్టల్ 14,19,21,22 లకు ఈ చర్య వ్యతిరేకమని పెర్కొన్నాడు. దీనిపై విచారణకు కోర్టు సమయం కేటాయించవలసి ఉంది.

పాకిస్తాన్‌ అనుకూల నినాదాలు చేశారనే ఆరోపణలతో తుముకూర్‌లో ఇద్దరు విద్యార్థులపై అధికారులు రాజద్రోహం కేసు నమోదు చేశారు. అయితే తాము ఎలాంటి దేశ వ్యతిరేక నినాదాలూ చేయలేదని తమపై దాడిచేసిన ఏబీవీపీ సభ్యులే అక్రమంగా కేసు నమోదు చేయించారని బాధిత విద్యార్థులు పేర్కొన్నారు.

రాష్ట్రంలో తాగునీటి సమస్య పరిష్కరించే దిశగా ప్రభుత్వం యుద్ధప్రాతిపదికన చర్యలు తీసుకోవాలని సీపీఐ(ఎం) డిమాండ్‌ చేసింది. ఈ నెల 3, 4 తేదీల్లో విజయవాడలో జరి గిన ఆ పార్టీ రాష్ట్ర కమిటీ తీర్మానాలను రాష్ట్ర కార్యదర్శి పి. మధు మంగళవారం నెల్లూరులో విడుదల చేశారు. నిజాలను కప్పిపుచ్చి సమస్యలను పక్కదారిపట్టించేలా బూటకపు ప్రచా రాలకు దిగుతున్న ప్రభుత్వ తీరును సీపీఐ(ఎం) తీవ్రంగా విమర్శించింది. రాష్ట్రంలో తొమ్మిది జిల్లాల్లో కరువు పరిస్థితులు నెలకొన్నా తగిన సహాయ చర్యలు చేపట్టలేదని ఆ పార్టీ పే ర్కొంది. వివిధ రంగాల కార్మికులు తమ సమస్యల పరి ష్కారానికి ఉద్యమబాట పట్టారని ఆందోళన వ్యక్తం చేసింది.

పార్లమెంట్‌ బడ్జెట్‌ సమావేశాలు (రెండో విడత) ఈ నెల 25 నుంచి ప్రారంభమవనున్నాయి. మే 13 వరకు జరిగే ఈ సమావేశాల్లో జీఎస్‌టీ సహా పలు కీలక బిల్లులు ఆమోదానికి ప్రతిపక్షాలు సహకరిస్తాయని కేంద్ర ప్రభుత్వం భావిస్తోంది.కీలకమైన జీఎస్‌టీ బిల్లును రాజ్యసభ ఆమోదించాల్సి ఉందని, ఇందుకు ప్రతిపక్షాలు సహకరిస్తాయన్న నమ్మకం తమకుందని కేంద్ర పట్టణాభివృద్ధి, పార్లమెంటరీ వ్యవహారాల శాఖ మంత్రి ఎం.వెంకయ్యనాయుడు తెలిపారు.

ఎన్నికల దగ్గరకొచ్చేకొద్దీ అన్ని పార్టీలూ స్టార్లను రంగంలోకి దింపుతుంటే సిపిఐ(యం) మాత్రం స్థానిక నేతలకు ప్రాధాన్యతనిస్తోంది. స్టార్లూ వర్సెస్‌ స్థానిక నేతలుగా ప్రచారం సాగుతోంది. తృణమూల్‌ కాంగ్రెస్‌ సినీ, క్రీడా తారలకు ప్రాధాన్యతనిస్తుండగా... బి.జె.పి, కాంగ్రెస్‌ లోకల్‌ నేతల కంటే జాతీయ నాయకుల వైపే మొగ్గు చూపుతున్నాయి. దీదీ ప్రచార బృందంలో రాజ్‌ చక్రవర్తి, సోహమ్‌ చక్రవర్తి, మిమి చక్రవర్తి, శ్రీకాంతో మెహతా, హిరన్‌ చటర్జీ, యష్‌ దాస్‌ గుప్తాతో పాటు ఫుట్‌ బాల్‌ ఆటగాడు బైచుంగ్‌ భుటియా వంటి స్టార్‌ ప్రచారకులూ వున్నారు.