గోవా ఆర్‌ఎస్‌ఎస్‌లో విభేదాలు తారాస్థాయికి చేరుకున్నాయి. గోవా ఆర్‌ఎస్‌ఎస్‌ చీఫ్‌ సుభాష్‌ వోలింగ్‌కర్‌ను తొలగించడంతో సంక్షోభం ముదిరింది. సుభాష్‌కు మద్దతుగా 4 వందల మంది ఆర్‌ఎస్‌ఎస్‌ కార్యకర్తలు రాజీనామాలు చేశారు. తనను పదవి నుంచి తప్పించడం వెనక కేంద్ర రక్షణమంత్రి మనోహర్‌ పారీకర్‌ హస్తముందని సుభాష్‌ వోలింగర్‌ ఆరోపిస్తున్నారు. 

ఓటుకు నోటు కేసులో ఏసీబీ కోర్టు ఆదేశాలపై స్టే విధిస్తూ హైకోర్టు ఇచ్చిన తీర్పుపై సుప్రీంకోర్టుకు వెళ్తామని పిటీషనర్‌ తరపు న్యాయవాది తెలిపారు. ఇలాంటి కేసుల్లో సుప్రీంకోర్టు గతంలో చాలా స్పష్టంగా తీర్పులిచ్చానా వాటిని పరిగణలోకి తీసుకోకుండా స్టే విధించిందని పిటీషనర్‌ తరపు లాయర్ అన్నారు. సమగ్ర వివారలతో కూడిన కౌంటర్‌ దాఖలు చేస్తామన్నారు.

వియత్నాంలో భారత ప్రధాని పర్యటించనుండటం గత 15 ఏళ్లలో ఇదే తొలిసారి కావడం గమనార్హం. వియత్నాం నుంచి మోదీ చైనాలోని హాంగ్‌ఝౌకు శనివారం బయలుదేరి వెళ్తారు. ఈ నెల 4, 5వ తేదీల్లో అక్కడ జరగనున్న ‘జి-20’ సదస్సులో పాల్గొంటారు.

ఆంధ్రప్రదేశ్‌ ముఖ్యమంత్రి చంద్రబాబుకు హైకోర్టులో వూరట లభించింది. ఓటుకు నోటు కేసులో చంద్రబాబు ప్రమేయంపై దర్యాప్తు జరపాలన్న తెలంగాణ ఏసీబీ కోర్టు ఇచ్చిన ఆదేశాలపై హైకోర్టు స్టే విధించింది. పూర్తి విచారణ కోసం కౌంటర్‌ దాఖలు చేయాలని ఏసీబీని ఆదేశించించిన హైకోర్టు విచారణను 8 వారాలపాటు వాయిదా వేసింది.