విదేశీ పెట్టుబడిదారులతో దేశం అధోగతిపడుతోందని, సిపిఎం రాష్ట్ర కార్యదర్శి పి. మధు ఆందోళన వ్యక్తం చేశారు. ఆంధ్రప్రదేశ్‌కి సింగపూర్‌, జపాన్‌ల వంటి వలస పాలన అవసరం లేదని ధ్వజమెత్తారు. సొంత వనరులపై ఆధారపడి ప్రభుత్వాలు పాలన సాగించాలని ఆయన సూచించారు. డ్వాక్రా మహిళల రుణమాఫీ˜ీ, మద్య నియంత్రణ అంశాలపై శుక్రవారం ఇక్కడ మహిళా సంఘాల రాష్ట్ర సదస్సులో ఆయన ప్రసంగించారు.. ఆంధ్రప్రదేశ్‌ మహిళా సమాఖ్య రాష్ట్ర అధ్యక్షురాలు వి. జయలక్ష్మి అధ్యక్షత వహించారు. సదస్సులో మధు మాట్లాడుతూ ఎన్నికల ముందు చంద్రబాబు ప్రకటించినట్లుగా మహిళలకు సంపూర్ణ రుణమాఫీ న్యాయ సమ్మతమేనన్నారు.

ఇకపైన ఏ రాష్ట్రానికీ ప్రత్యేక హోదా ఇవ్వబోమని కేంద్రం స్పష్టం చేసింది. లోక్‌సభలో కేంద్ర మంత్రి రావ్ ఇందర్ జిత్ సింగ్ మాట్లాడుతూ ఈ విషయం స్పష్టం చేశారు. ప్రత్యేక హోదా ఇవ్వాలంటూ కేంద్రం వద్ద ఏ ప్రత్యేక విధానమూ లేదని తెలిపారు. అయితే దీనిపై మన రాష్ట్ర ఎంపీలు నోరు మెదపలేదు. ప్రధానమంత్రి నరేంద్ర మోదీ ఇటీవల బీహార్ పర్యటన సందర్భంగా ప్రత్యేక ప్యాకేజీ ఇస్తామన్నారు కానీ ప్రత్యేక హోదాపై ఏ హామీ ఇవ్వలేకపోయారు.

ముంబై బాంబు పేలుళ్ల కేసులో యాకూబ్ మెమన్ కు ఉరిశిక్ష విధించినందుకు దావూద్ ఇబ్రహీం గ్యాంకు ప్రతీకారం తీర్చుకోవచ్చని, ఒకప్పటి ఆయన అనుచరుడు చోటా షకీల్ వ్యాఖ్యానించాడు. ఇదే కేసులో నిందితుడిగా ఉండి తప్పించుకు తిరుగుతున్న చోటా షకీల్ 'టైమ్స్ ఆఫ్ ఇండియా'కు ఫోన్ చేసి మాట్లాడాడు. మెమన్ ఉరి ఘటనను దావూద్ సీరియస్ గా తీసుకున్నాడని తెలిపాడు. తన సోదరుడు టైగర్ చేసిన పాపాలకు మెమన్ బలయ్యాడన్న షకీల్, నిరపరాధిని దోషిగా చూపి ఉరేశారని ఆరోపించారు.

లలిత్‌ గేట్‌, వ్యాపం కుంభకోణాలు ఊహించిన విధంగానే పార్లమెంటును కుదిపేశాయి. వర్షాకాల సమావేశాలు తొలి రోజున మొదలైన ప్రతిష్టంభన ఇంకా కొనసాగుతూనే ఉంది. పార్లమెంటు పదే పదే వాయిదా పడడానికి ఎవరు కారకులు అన్న ప్రశ్న సహజంగానే తలెత్తుతుంది. ప్రతిపక్షాలే పార్లమెంటును అడ్డుకుంటున్నాయని, చర్చ జరగడం ఇష్టం లేకే ఇలా చేస్తున్నాయని బిజెపి, మోడీ ప్రభుత్వం చేస్తున్న వాదన పసలేనిది. ప్రతిపక్షాలు పార్లమెంటులో కోరుతున్నదేమిటి?

హక్కుల పరిరక్షణ కోసం సమరశీల పోరాటాలకు సన్నద్ధం కావాలని కార్మికులు, ఉద్యోగులకు సిఐటియు రాష్ట్ర ఉపాధ్యక్షులు సిహెచ్‌.నర్సింగరావు పిలుపునిచ్చారు. శ్రీకాకుళం జిల్లా పైడిభీమవరంలో అరబిందో పరిశ్రమ వద్ద బుధవారం నిర్వహిచిన 'కార్మిక గర్జన' సభలో ఆయన ప్రసంగించారు. కేంద్ర, రాష్ట్ర ప్రభుత్వాలు కార్మిక చట్ట సవరణలను, కార్మిక ఉద్యమాలపై నిరంకుశ దాడులను, సామాజిక సంక్షేమ పథకాల నిధుల్లో కోతను విరమించాలని డిమాండ్‌ చేశారు.