సీపీఐ రాష్ట్ర కార్యదర్శివర్గ సభ్యుడు పముజుల దశరథరామయ్యపై నెల్లూరు రూరల్‌ మండలం సౌత్‌మోపూరులో మంగళవారం హత్యాయత్నం జరిగింది. గ్రామ పంచాయతీ చేపట్టిన డ్రైనేజీ కాలువ నిర్మాణ విషయంలో ఈ వివాదం చోటుచేసుకుంది. రూ.5లక్షలతో పంచాయతీ డ్రైనేజీ కాలువ నిర్మిస్తోంది. అయితే, హైస్కూల్‌ కూడలిలో స్థానికంగా నివాసముండే బట్టేపాటి ప్రతాప్‌ కాలువ తమ స్థలంలో ఉందంటూ నిర్మాణ పనులను అడ్డుకున్నాడు. గ్రామపెద్దలు, సీపీఐ సీనియర్‌ నేత పముజుల దశరథరామయ్య జోక్యం చేసుకుని డ్రైనేజీ కాలువ పూర్తిగా పంచాయతీ స్థలంలో ఉందని, రెవెన్యూ సర్వే ప్రకారమే నిర్మాణం జరుగుతోందంటూ తేల్చి చెప్పారు. అయినా మాటవినని ప్రతాప్‌ పముజులపైకి దూసుకెళ్లాడు.

ప్రధాని నరేంద్రమోడీ నేతృత్వంలోని ఎన్‌డిఏ ప్రభుత్వ విధానాలు కాంగ్రెస్‌ ప్లస్‌ ఆవులా ఉన్నాయని, ఆర్థిక నిర్వహణ మీడియా హెడ్‌లైన్స్‌కే పరిమితమవుతోందని బిజెపి సీనియర్‌ నేత, కేంద్ర మాజీ మంత్రి అరుణ్‌ శౌరీ విమర్శించారు. ప్రధాని కార్యాలయం గతంలో ఎన్నడూ లేనంత బలహీనంగా ఉందని శౌరీ వ్యాఖ్యానించారు. మోడీ ప్రభుత్వం అనుసరిస్తున్న విధానాలు మాజీ ప్రధాని మన్మోహన్‌సింగ్‌ను గుర్తు చేస్తున్నాయని, అవే విధానాలు..కాకపోతే, కాంగ్రెస్‌ ప్లస్‌ ఆవు అంటూ శౌరీ చమత్కరించారు.

అన్నదాతలెవరూ ఆత్మహత్యలు చేసుకోవద్దని, సంఘటితంగా పోరాడదామని అఖిల భారత కిసాన్‌ సభ సహాయ కార్యదర్శి విజూకృష్ణన్‌ పిలుపునిచ్చారు. గత రెండు దశాబ్దాల్లో దేశవ్యాప్తంగా సుమారు 3.20 లక్షల మంది రైతులు ఆత్మహత్యలు చేసుకుంటే పాలకులు నిస్సిగ్గుగా వ్యవహరిస్తున్నారని విమర్శించారు. కేంద్రంలో మోడీ పాలన చేపట్టాక రైతుల ఆత్మహత్యలు 26 శాతం పెరిగాయన్నారు. ఆంధ్రప్రదేశ్‌ కౌలు రైతుల సంఘం రాష్ట్ర ప్రథమ మహాసభల సందర్భంగా పశ్చిమగోదావరి జిల్లా భీమవరంలో మంగళవారం ఏర్పాటు చేసిన బహిరంగ సభలో ఆయన ప్రసంగించారు.

 ఎన్నికల ముందు చంద్రబాబు సమర్థుడని, అనుభవ జ్ఞుడని, తెలివైన వాడని తెలుగు దేశం పార్టీ, దాని మీడియా ప్రచారం చేసి ప్రజల్ని నమ్మించింది. ఆయన అధికారంలోకొచ్చి సంవత్సరంన్నర అయింది. ఈ కాలంలో ఆయన సమర్థత, అనుభవం దేనికి ఉపయోగించారు? ఎవరికి మేలు జరి గింది? ఎవరికి కీడు జరిగింది? ఆలోచించాల్సిన సమయం వచ్చింది. లేకుంటే ఆయన సమర్థతకు ప్రజలు మరింత మూల్యం చెల్లించుకో వాల్సిన పరిస్థితి రాబోతోంది.

దళితులపై నానాటికీ పెరుగుతున్న దాడులను అరికట్టడంలో మోడీ సర్కార్‌ విఫలమైందని దళిత్‌ శోషణ్‌ ముక్తి మంచ్‌(డిఎస్‌ఎంఎం) జాతీయ నేత వి.శ్రీనివాసరావు విమర్శించారు. హర్యానా రాష్ట్రం ఫరీదాబాద్‌లోని సున్‌పెడా గ్రామంలో దళిత కుటుంబం ఇంట్లో నిద్రిస్తున్న సమయంలో వారి ఇంటిపై పెట్రోల్‌ పోసి తగలబెట్టిన ఘటనలో చనిపోయిన చిన్నారి దివ్య, వైభవ్‌లకు డిఎస్‌ఎంఎం నివాళులర్పించింది. ఈ మేరకు ఆదివారం ఢిల్లీలోని కేరళ భవన్‌ నుంచి జంతర్‌ మంతర్‌ వరకు దివ్య, వైభవ్‌ చిత్రపటాలను చేబూని కొవ్వొత్తుల ర్యాలీ నిర్వహించారు.