అసహనం గురించి జరుగుతున్న చర్చలో పలుమార్లు జోక్యం చేసుకున్న రాష్ట్రపతి ప్రణబ్‌ ముఖర్జీ చర్చలు, వాదనల ద్వారా సమస్యలను పరిష్కరించుకోవాలని రచయితలకు, సినీప్రముఖులకు పిలుపునిచ్చారు. అవార్డు అనేది ప్రతిష్టాకరమైనదని అంటూ, అది ప్రతిభకూ, పాటవానికీ ప్రజలు కట్టిన పట్టం అని ప్రణబ్‌ అన్నారు. అవార్డుల్ని అందుకునే వారు వాటి విలువను గుర్తించి, వాటిని అట్టిపెట్టుకోవాలని ఆయన అన్నారు.

అగర్తలా : రాబోయే పౌర సంస్థల ఎన్నికల్లో పాలక వామపక్ష సంఘటనను ఓడించేందుకు ఎన్నికల పొత్తు పెట్టుకుందామంటూ త్రిపురలో బిజెపి, ప్రధాన ప్రతిపక్షం కాంగ్రెస్‌ను అభ్యర్థించింది. ఇదొక ఆశ్చర్యకరమైన పరిణామమే. వామపక్షాల అభ్యర్థులను ఓడించాలంటే ప్రతిపక్ష పార్టీల ఓట్లన్నింటినీ కలిపితేనే సాధ్యమవుతుందని బిజెపి భావిస్తోంది.

భారత మార్కెట్‌ను కొల్లగొట్టడానికే విదేశీ పెట్టుబడులకు ప్రధాని ఆహ్వానిస్తున్నారని సిపిఎం పేర్కొంది. పెట్టుబడిదారులకు లాభాలు చేకూర్చడానికే ప్రభుత్వం ఎఫ్‌డిఐలకు లైసెన్స్‌ ఇచ్చిందని సిపిఎం జాతీయ ప్రధాన కార్యదర్శి సీతారాం ఏచూరి విమర్శించారు. పెట్రోల్‌, డీజిల్‌, నిత్యావసర వస్తువుల ధరల పెరుగుదలతో దేశంలోని పేదలకు దినసరి జీవనం గడవడమే గగనమైందని, ఈ విషయంలో కేంద్రం ఎలాంటి చర్యలు తీసుకోవడం లేదన్నారు.

కాంగ్రెస్‌ సీనియర్‌ నేత మణిశంకర్‌ అయ్యర్‌ మంగళవారం మరో వివాదానికి తెరతీశారు. ప్రధాని మోదీని గద్దె దింపితేనే భారత, పాకిస్థాన్‌ల మధ్య చర్చలు ప్రారంభమవుతాయంటూ పాకిస్థాన్‌కు చెందిన దునియా టీవీ చానెల్‌ చర్చా కార్యక్రమంలోనే వ్యాఖ్యానించి మరో దుమారం రేపారు. భారత, పాక్‌ల చర్చలు తిరిగి ప్రారంభం కావడానికి ఏం చేయాలంటూ పాక్‌ టీవీ చానెల్‌ వ్యాఖ్యాత ప్రశ్నకు అయ్యర్‌ స్పందిస్తూ.. ‘‘అన్నింటి కంటే ముందుగా మోదీని తొలగించాలి.ఇరుదేశాల సంబంధాలు మెరుగయ్యేందుకు ఇంతకుమించి మార్గం లేదు అని అన్నారు.

ఢిల్లీలో 4 నాలుగు రోజుల పాటు సుదీర్ఘం సీపీఎం కేంద్ర కమిటీ సమావేశాలు ముగిశాయి. ప్రస్తుత రాజకీయ పరిస్థితులు, దేశంలో నెలకొన్న సమస్యలపై కేంద్ర కమిటీ సమావేశాలు జరిగాయి.  ప్రజా వ్యతిరేక విధానాల పై పోరాటం ఎలా చేయాలి, ఎల్డీ ఎఫ్ ను బలోపేతం చేసేందుకు కావల్సిన మార్గదర్శకాలను చర్చించడం జరిగిందని పొలిట్‌ బ్యూరో సభ్యులు రాఘవులు తెలిపారు. ఈ అంశాలను ప్రతి రాష్ట్ర కమిటి చర్చించిన తరువాత కోల్ కతాలో జరిగే ప్లీనరీ సమావేశాల్లో నిర్ణయం తీసుకుంటామని తెలిపారు.