బడా పారిశ్రామిక వేత్తలు, కార్పొరేట్ల కోసమే ప్రభుత్వం భూ బ్యాంకు పేరిట భూములను బలవంతంగా సేకరిస్తోందని సిపిఎం రాష్ట్ర కమిటీ సభ్యులు వి.వెంకటేశ్వర్లు అన్నారు. కడప జిల్లా బద్వేలు నియోజక వర్గంలో భూబ్యాంక్‌ కింద 36 వేల ఎకరాల ప్రభుత్వ, ప్రయివేటు భూముల్ని తీసుకున్న గ్రామాల్లో ఆయన పర్యటించారు. ఒక్క కడప జిల్లాలోనే భూ బ్యాంకు కోసం 1.23 లక్షల ఎకరాలను ప్రభుత్వం సేకరించనుందన్నారు. ఈ విధానాన్ని రైతులు, ప్రజాస్వామికవాదులు, ప్రజలు వ్యతిరేకించాలని ఆయన పిలుపునిచ్చారు.

ముఖ్యమంత్రిగా కాక మాంచి చీఫ్‌ ఎగ్జిక్యూటివ్‌ ఆఫీసర్‌గా మన్ననలందుకోవాలని తాపత్రయ పడుతున్న చంద్రబాబు ఏలుబడిలో ప్రజల పరిస్థితి చెంప దెబ్బ గోడ దెబ్బ అన్నట్లు తయారైంది. అమరావతి శిలాన్యాస్‌ సంరంభంలో ప్రత్యేక హోదాపై స్పష్టత రాక నిరాశ చెందిన ప్రజలు తమ నెత్తిన పడేందుకు వరుస కట్టిన సర్కారీ ఛార్జీల బండలపై మరింతగా కలత చెందుతున్నారు. రాజధాని శంకుస్థాపన మరుసటి రోజే ఆర్టీసి బస్‌ ఛార్జీలు బాది ప్రయాణీకుల తల బొప్పి కట్టించగా, అతి త్వరలోనే ట్రూ అప్‌ పేరుతో వినియోగదారులకు విద్యుత్‌ షాక్‌ ఇచ్చేందుకు బాబు ప్రభుత్వం సిద్ధమైంది.

హిందువులు భగవానుడుగా భావించే రాముడు పుట్టింది అయోధ్యలో కాదా? అసలాయన పుట్టింది త్రేతా యుగంలోనే కాదా? కాదనే తాజాగా వెలువడ్డ ఒక పుస్తకం చెబుతోంది. 'ఫ్యాక్ట్స్‌ ఆఫ్‌ అయోధ్య ఎపిసోడ్‌ - మిథ్‌ ఆఫ్‌ రామ్‌ జన్మభూమి (అయోధ్య ఉదంతం వాస్తవాలు - రామ జన్మభూమి భ్రమ)' అనే పేరున్న ఈ పుస్తకాన్ని అఖిల భారత ముస్లిం పర్సనల్‌ లా బోర్డు (ఎఐఎంపిఎల్‌బి) సభ్యుడు అబ్దుల్‌ రహీం ఖురేషీ రాశారు. రాముడు గంగా మైదానంలో జన్మిం చినట్టు వేదాల్లో గానీ, పురాణాల్లో గానీ ఎక్కడా పేర్కొనలేదని ఖురేషీ వాదిస్తున్నారు.

కేంద్ర, రాష్ట్ర ప్రభుత్వాలు ప్యూడల్‌ పాలన కొనసాగిస్తున్నాయని, ప్రభుత్వాల తీరుపై విశ్లేషణాత్మకంగా ప్రొఫెసర్‌ కంచ ఐలయ్య రాసిన వ్యాసాల సంకలనం 'ప్యూడలిజం మల్లొచ్చింది' అద్దం పడుతుందని పలువురు వక్తలు పేర్కొన్నారు. హైదరాబాద్‌లోని సుందరయ్య విజ్ఞాన కేంద్రంలో మంగళవారం 'ప్యూడలిజం మల్లొచ్చింది' పుస్తకావిష్కరణ సభ టిపిఎస్‌కె అధ్యక్షులు జి.రాములు అధ్యక్షతన జరిగింది. ఈ సందర్భంగా సిపిఎం తెలంగాణా రాష్ట్ర ప్రధాన కార్యదర్శి తమ్మినేని వీరభద్రం మాట్లాడుతూ దేశంలో ప్యూడలిజం, క్యాపిటలిజం పరస్పర ప్రయోజనాలను కాపాడుకుంటున్నాయని, దాంతో ప్యూడలిజం నాశనమవ్వడం సులువుగా సాధ్యం కాదని అన్నారు.