అసంఘటిర రంగ కార్మికులకు సామాజిక భద్రత కల్పించేందుకు ప్రభుత్వం చర్యలు తీసుకోవాలని సిఐటియు రాష్ట్ర ప్రధాన కార్యదర్శి ఎంఎ గపూర్‌ డిమాండ్‌ చేశారు. అసంఘటిత కార్మికుల సమస్యలు పరిష్కారం కోసం సిఐటియు ఆధ్వర్యంలో మంగళవారం ఒంగోలులో కలెక్టరేట్‌ వద్ద మహాధర్నా నిర్వహించారు. సిఐటియు జిల్లా అధ్యక్షులు సిహెచ్‌.మజుందార్‌ అధ్యక్షతన జరిగిన ధర్నాలో గపూర్‌ ముఖ్య వక్తగా విచ్చేసి మాట్లాడారు. అసంఘటిత కార్మికులకు సామాజిక భద్రత కల్పించి సంక్షేమ పథకాలను అమలు చేయాలని డిమాండ్‌ చేశారు. అంగన్‌వాడీలకు పెంచిన వేతన జీవోను వెంటనే విడుదల చేయాలని డిమాండ్‌ చేశారు.

చంద్రబాబు ప్రభుత్వంపై విశాఖ జిల్లా  సీపీఎం కార్యదర్శి లోకనాధం ఆగ్రహం వ్యక్తం చేసారు. భూసేకరణ పేరుతో భూమాఫియాను ప్రభుత్వం తయారు చేస్తుందని మండిపడ్డారు. 2005లో నావెల్‌ బెస్‌ స్పెషల్‌ ఆపరేషన్ పేరుతో 4,100 ఎకరాలు సేకరించి 10 ఏళ్లవుతున్నా నేటికి 5 లక్షల పరిహారం చెల్లించలేదని ధ్వజమెత్తారు. మత్స్యకారుల సంపదను దోపిడి చేస్తూ కోస్టల్‌ తీరాన్ని దుర్వినియోగం చేస్తుందని ఆరోపించారు. 

అసహనం గురించి తమ ప్రభుత్వానికి పాఠాలు చెప్పే అర్హత కాంగ్రెస్‌కు లేదని ప్రధాని నరేంద్రమోడీ అన్నారు. 1984లో సిక్కులపై జరిగిన దాడులను గుర్తు చేస్తే కాంగ్రెస్‌ సిగ్గుతో తల దించుకోవాల్సివుంటుందని మోడీ మండిపడ్డారు. ఈరోజు నవంబర్‌ 2..1984ను గుర్తు చేసుకుందామా? ఇందిరాగాంధీ హత్య(అక్టోబర్‌ 31) తర్వాత రెండో రోజు, మూడో రోజు, నాలుగో రోజు..ఢిల్లీతోపాటు దేశంలోని పలు ప్రాంతాల్లో లక్షలాది సిక్కులపై దాడులు జరిగాయి..కాంగ్రెస్‌ పార్టీ నేతలపై బలమైన ఆరోపణలున్నాయి. బాధితుల గాయాలు ఇంకా మానలేదు, వారి కన్నీళ్లు ఇంకా ఇంకిపోలేదని మోడీ అన్నారు. 

న్యూఢిల్లీ : ఇస్లామిక్‌ స్టేట్‌ (ఐఎస్‌), ఆర్‌ఎస్‌ఎస్‌కు మధ్య పెద్ద తేడా లేదని ప్రముఖ మేధావులు విమర్శించారు. స్వేచ్ఛగా జీవించే హక్కు, భావ వ్యక్తీకరణ స్వేచ్ఛ ప్రతి పౌరుడికీ ఉండేలా చర్యలు తీసుకోవాలని ప్రభుత్వానికి సూచించాల్సిందిగా వారు రాష్ట్రపతికి విజ్ఞప్తి చేశారు. 2013 ఆగస్టులో పూనెలో హత్యకు గురైన ప్రముఖ హేతువాది నరేంద్ర దాభోల్కర్‌ జన్మదినోత్సన్ని పురస్కరించుకొని 'ప్రతిఘటన' పేరుతో పలువురు రచయితలు, కళాకారులు, మేధావులు, శాస్త్రవేత్తలు, విద్యావేత్తలు ఆదివారం ఇక్కడ సమావేశమయ్యారు.