'ఒక ర్యాంకు ఒకే పింఛను' (ఓఆర్‌ఓపి) అమలు కోసం రిటైర్డు ఆర్మీ సుబేదార్‌ ఆత్మహత్య, తదనంతర పరిణామాలు దేశాన్ని దిగ్భ్రాంతికి గురి చేశాయి. జై జవాన్‌ అని నినదించిన గడ్డపైనే దేశానికి సేవ చేసిన జవాన్లు అత్యంత దయనీయమైన రీతిలో తనువు చాలించే పరిస్థితి రావడం చాలా దురదృష్టకరం. ఇందుకు ప్రభుత్వం సిగ్గుతో తలవంచుకోవాల్సింది పోయి చనిపోయిన రిటైర్డు సుబేదార్‌ మానసిక స్థితి ఏమిటో మొదట పరిశీలించాలని వికె సింగ్‌ వంటి మంత్రులతో ప్రకటనలు ఇప్పించడం అత్యంత గర్హనీయం.

ఈ ఏడాదికి గానూ ఉత్తమ జర్నలిస్టులకిచ్చే ప్రతిష్టాత్మక రామ్‌నాథ్‌ గోయంకా అవార్డును ప్రధాన మంత్రి నరేంద్రమోడీ చేతుల మీదుగా తీసుకునేందుకు టైమ్స్‌ ఆఫ్‌ ఇండియా జర్నలిస్టు అక్షయ ముకుల్‌ తిరస్కరించారు. ముకుల్‌కు నాన్‌ ఫిక్షన్‌ బుక్స్‌ విభాగంలో రామనాథ్‌ గోయంకా అవార్డు లభిం చింది. హిందూత్వ సైద్ధాంతిక పునా దులపై ఈ పుస్తకం వెలువడింది. అయి తే అవే సిద్ధాంతాలతో ప్రధాని రాజకీ యాలు సాగుతున్న క్రమంలో ము కుల్‌ అవార్డుకు దూరంగా ఉండాలని నిర్ణయించుకున్నారని కారవాన్‌ వెబ్‌సైట్‌తో జర్నలిస్టు సందీప్‌ భూషణ్‌ చెప్పారు.

తూర్పుగోదావరి జిల్లా తొండంగి ప్రాంతంలో దివీస్‌ కంపెనీకి బలవంతంగా భూములు సేకరించడాన్ని నిరసిస్తూ సీపీఎం కార్యకర్తలు ఈరోజు విశాఖలోని జీవీఎంసీ గాంధీ వగ్రహం ఎదుట ఆందోళన చేపట్టారు. రైతులకు ఇష్టం లేకపోయినా బలవంతంగా భూసేకరణ జరిపి రైతులను ఒత్తిడికి గురి చేస్తున్నా్నరని మండిపడ్డారు. అభివృద్ధి పేరుతో రైతుల నుంచి భూములు సేకరించి వాటిని ప్రైవేటు కంపెనీలకు అక్రమంగా కట్టబెడితే రైతులు ఎలా బతకాలని ప్రశ్నించారు. ప్రభుత్వం దివీస్‌ కంపెనీకి తొత్తుగా వ్యవహరిస్తూ బలవంతపు భూసేకరణకు పాల్పడుతోందని ఆరోపించారు.

మధ్యప్రదేశ్‌లోని జైలు నుంచి తప్పించుకున్న ఎన్‌కౌంటర్‌కు గురైన సిమి ఉగ్రవాదుల ఘటనపై ఆ రాష్ట్ర ముఖ్యమంత్రి శివరాజ్‌సింగ్ చౌహాన్ న్యాయ విచారణకు ఆదేశించారు. రిటైర్డ్ హైకోర్ట్ జడ్జి జస్టీస్ ఎస్‌కే పాండే ఆధ్వర్యంలో న్యాయ విచారణ జరుగుతుందని గురువారం రాత్రి వెల్లడించిన అధికారిక ప్రకటనలో ఆయన పేర్కొన్నారు.

ఢిల్లీ ముఖ్యమంత్రి అరవింద్‌ కేజ్రీవాల్‌, కాంగ్రెస్‌ ఉపాధ్యక్షుడు రాహుల్‌గాంధీని అరెస్ట్‌ చేయటం దేశ ప్రజాస్వామ్య వ్యవస్థకు హానికర సంకేతాలను పంపుతున్నదని సీపీఐ(ఎం) ప్రధాన కార్యదర్శి సీతారామ్‌ ఏచూరి విమర్శించారు. మాజీ సైనికులు దీర్ఘకాలంగా డిమాండ్‌ చేస్తున్న ఒకే ర్యాంకు ఒకే పెన్షన్‌ (ఓఆర్‌ఓపీ) విధానంపై కేంద్రం అనుసరిస్తున్న వైఖరికి నిరసగా మాజీ సైనికుడు రామ్‌కిషన్‌ గ్రేవల్‌ ఆత్మహత్య చేసుకున్న విషయం తెలిసిందే. గురువారం ఇక్కడి కళామందిర్‌లో జరిగిన అబ్దుల్‌ హలీమ్‌ స్మారకోపన్యాస కార్యక్రమంలో ఏచూరి మాట్లాడారు.