గరగపర్రు దళితులపై సాంఘిక బహిష్కరణను నిరసిస్తూ సిపిఎం, వివిధ పార్టీలు, దళిత సంఘాల ఆధ్వర్యాన బుధవారం చేపట్టిన 'చలో భీమవరం' కార్యక్రమాన్ని పోలీసులు ఉద్రిక్తంగా మార్చారు. సిపిఎం రాష్ట్ర కార్యదర్శి పి.మధు సహా 151 మందిని పోలీసులు బలవంతంగా అరెస్టు చేసి పోలీసు స్టేషన్‌కు తరలించారు. నాలుగురోజుల కిందటే 'చలో భీమవరం' కార్యక్రమానికి పిలుపు ఇచ్చినా నోరు విప్పని పోలీసులు చివరి నిమిషంలో సభకు అనుమతి లేదంటూ అడ్డుకునేందుకు యత్నించారు. మంగళవారం సాయంత్రం నుంచే భీమవరం, గరగపర్రులో భారీసంఖ్యలో పోలీసులు మోహరించారు.

ఏపీ పునర్వ్యవస్థీకరణ చట్టంపై రాజ్యసభలో వాడీ వేడి చర్చ జరిగింది. ప్రతిపక్ష కాంగ్రెస్‌ సహా సభలోని పలు రాజకీయ పార్టీలు ఏపీ బిల్లుకు మద్దతు పలికాయి. మద్దతు పలికిన వారిలో సమాజ్‌ వాదీ పార్టీ, బీఎస్పీ, సీపీఎం, సీపీఐ, బీజేడీ, టీఎంసీ సహా దాదాపు అన్ని పక్షాలు విభజన చట్టంలోని హామీలను అమలు చేయాలని డిమాండ్‌ చేశాయి. దీంతో సభలో అధికార బీజేపీ ఇరుకున పడినట్లయ్యింది.