గత సంవత్సర కాలంగా 9/77 అసైన్డ్‌ చట్ట సవరణపై చర్చ జరుగు తున్నది. ముఖ్యమంత్రి, మంత్రులు నిరంతరం ప్రకటనలు చేస్తూనే ఉన్నారు. త్వరలో ఈ చట్టాన్ని సవరిస్తామని, అసైన్డ్‌ భూములకు సంబంధించిన వివరాలను రాష్ట్ర ప్రభుత్వానికి అందజేయాలని కలెక్టర్లకు ఉత్తర్వులు అందినట్లు తెలుస్తోంది. త్వరలోనే ఈ చట్ట సవరణపై చర్చిస్తామని ముఖ్య మంత్రి ప్రకటించటంతో మరీ వేడెక్కింది. ఈ చట్టం ఉద్దేశం ఏమిటి? ఎవరి రక్షణ కోసం ఈ చట్టం వచ్చింది? ఇప్పుడు ఈ చట్టాన్ని ఎందుకు సవరించాలని రాష్ట్ర ప్రభుత్వం ఉబలాట పడుతోందనేదాన్ని పరిశీలించాల్సిన ఆవశ్యకత ఏర్పడింది. 2006లో కాంగ్రెస్‌ ప్రభుత్వం 9/77 చట్టాన్ని సవరించింది.

పేదలపై ప్రభుత్వం చిన్నచూపు చూస్తోందని సిపిఎం జిల్లా కార్యదర్శి వి.రాంభూపాల్‌ విమర్శించారు. పట్టణంలోని ఆదర్శ పాఠశాల సమీపంలో ఇటీవల పేదలు స్వాధీనం చేసుకున్న ఉన్న 570 సర్వే నెంబర్‌ స్థలాన్ని శుక్రవారం సందర్శించారు. ఈ సందర్భంగా ఆయన మాట్లాడుతూ ప్రభుత్వం రాజకీయ నాయకులు, ధనికులకు వేలాది ఎకరాల ప్రభుత్వ భూములను కట్టబెడుతోందన్నారు. కొండలకు కూడా పట్టాలు ఇచ్చి వారికి పంపిణీ చేస్తోందన్నారు. పేదలకు సెంటు భూమి ఇవ్వడానికి మాత్రం వారు ముందుకు రాలేదన్నారు. రెండు విడతల జన్మభూమిలో జిల్లా వ్యాప్తంగా 57,376 మంది పేదలు ఇళ్ల స్థలాల కోసం అర్జీలు ఇచ్చారన్నారు.