గత మూడేండ్లలో బ్యాంకుల వద్ద పేరుకుపోయిన రూ. 1.14 లక్షల కోట్ల నిరర్థక ఆస్తులను (ఎన్‌పీఏ) లేదా వసూలు కాని అప్పులను మాఫీ చేశామని ప్రభుత్వం వెల్లడిం చింది. ఈ మొత్తాన్ని భారతీయ బ్యాం కులు గత మూడు ఆర్థిక సంవ త్సరాల్లోనే (2013-15 మధ్య) నష్ట పోయాయి. ఇది గత తొమ్మిదేండ్లలో దేశంలోని 29 రాష్ట్రాలు కలిగి వున్న మొత్తం నిరర్థక ఆస్తుల విలువకన్నా ఎక్కువ.

జపాన్‌ ప్రభుత్వ ప్రతినిధుల బృందం విజయవాడలో పర్యటించనుంది.  మెట్రోరైలుపై క్షేత్రస్థాయిలో ఈ బృందం పరిశీలన చేయనుంది. నగరంలో మెట్రోరైల్‌ స్టేషన్లు వచ్చే ప్రాంతాలను బృంద సభ్యులు పరిశీలించనున్నారు..

కేంద్రప్రభుత్వం నియమించిన 7వ వేతన సవరణ సంఘం సిఫార్సులను వ్యతిరేకిస్తూ చేపట్టనున్న సార్వత్రిక సమ్మెపై నేషనల్‌ ఫెడరేషన్‌ ఆఫ్‌ ఇండియన్‌ రైల్వేస్‌(ఎన్‌.ఎఫ్‌.ఐ.ఆర్‌), దక్షిణమధ్య రైల్వే ఎంప్లాయీస్‌ సంఘ్‌.. ఉద్యోగులు, కార్మికుల అభిప్రాయాలను సేకరించనున్నాయి. ఇందుకు గాను ఈ నెల 8, 9 తేదీల్లో ఓటింగ్‌ను నిర్వహించనున్నారు. 

దళిత స్కాలర్‌ రోహిత్‌ ఆత్మహత్యపై దేశవ్యాప్తంగా వెల్లువెత్తిన నిరసనలకు మానవ వనరుల అభివృద్ధి శాఖ(హెచ్‌ఆర్డీ) ఇన్నాళ్లకు స్పందించింది. విశ్వవిద్యాలయాల్లో అణగారిన వర్గాలపై వివక్షకు అంతం పలకడానికి అన్ని వర్సిటీల ఉపకులపతిలతో ఫిబ్రవరి18న సమావేశం నిర్వహించాలని నిర్ణయించింది. ఈ మేరకు దేశంలోని 46 కేంద్రీయ విశ్వవిద్యాలయాల ఉపకులపతిలను ఢిల్లీకు రప్పించ నుంది.