ఢిల్లీలోని ఐటీఓ సమీపంలో గల రోజ్‌ఎవెన్యూలో హరికిషన్‌సింగ్‌ సుర్జీత్‌ భవంతికి సీపీఐ(ఎం) జాతీయ ప్రధాన కార్యదర్శి సీతారాం ఏచూరి గురువారం శంకుస్థాపన చేశారు. ఐదంత స్థులతో నిర్మించనున్న ఈ భవంతిలో పార్టీ శిక్షణా పాఠశాలను నెలకొల్ప నున్నారు. కొల్‌కతా ప్లీనం నిర్ణయం మేరకు ఈ పాఠశాలను ఏర్పాటు చేస్తు న్నారు. మార్చి మొదటి వారంలో నిర్మాణ కార్యక్రమాలకు శ్రీకారం చుట్టను న్నారు. ఈ భవంతిలో పార్టీ పొలిట్‌బ్యూరో సమావేశమందిరం, ఆడిటోరియం, విద్యార్థుల తరగతి గది, నివాస గదులు, వంటశాల నిర్మించనున్నట్టు పార్టీ నేతలు తెలిపారు. 

 జేఎన్ యూ నేత కన్హయ్య బెయిల్ ను తిరస్కరిస్తున్నట్లు తీర్పు చెప్పడంతో విద్యార్థులు..ఇతరులు తీవ్ర నిరాశలో మునిగిపోయారు. న్యాయస్థానాల ఎదుట దాడికి దిగిన బీజేపీ ఎమ్మెల్యే ఓపీ శర్మకు గంటల వ్యవధిలోనే బెయిల్ మంజూరు చేశారని విమర్శలు చేస్తున్నారు. మరోవైపు దేశ వ్యాప్తంగా కన్హయ్య అరెస్టుపై నిరసన జ్వాలలు ఎగిసిపడుతూనే ఉన్నాయి. పలు రాష్ట్రాల్లో వామపక్ష విద్యార్థి సంఘం నేతలు రైళ్లను ఆపివేసి తమ నిరసన తెలిపారు. మతతత్వవాదాన్నే కన్హయ్య వ్యతిరేకించారని తేలింది. దీంతో కన్హయను అక్రమంగా అరెస్టు చేశారని విపక్షాలు మండిపడుతున్నాయి.

భద్రత పేరిట కేంద్ర హోం మంత్రి రాజ్ నాథ్ సింగ్ వివిధ రాష్ట్రాలను సందర్శిస్తున్నారు. అందులో భాగంగా విశాఖపట్టణంలో రాజ్ నాథ్ సింగ్ సమావేశాలు నిర్వహించారు. ఈ పర్యటన వెనుక పెద్ద కుట్ర ఉందని సీపీఎం నేత నర్సింగరావు పేర్కొన్నారు.విశాఖపట్టణం పర్యటన వెనుక పెద్ద కుట్ర ఉందని, ఏజెన్సీలోని బాక్సైట్ ను దక్కించుకొనే కుట్ర జరుగుతోందన్నారు. ఏజెన్సీలో బాక్సైట్ తవ్వకాలను గిరిజనులు, సంఘాలు వ్యతిరేకిస్తున్నారని గుర్తు చేశారు. దీనితో ఈ ప్రాంతంలో పారామిలటరీ సైన్యాన్ని దింపడానికి వ్యూహరచన చేశారని విమర్శించారు.