దళిత స్కాలర్‌ రోహిత్‌ వేముల చివరగా రాసిన ఆత్మహత్య లేఖను ఫోరెన్సిక్‌ పరీక్షకు పంపినట్లు పోలీసులు తెలిపారు. దర్యాప్తులో భాగంగా ఆ లేఖను ఫోరెన్సిక్‌కు పంపినట్లు తెలుస్తోంది. అయితే రోహిత్‌ మృతితో దేశవ్యాప్తంగా నిరసనలు వెల్లువెత్తిన నేపథ్యంలో మిగతా నలుగురు విద్యార్థులపై సస్పెన్షన్‌ నిలిపివేశారు. అయినప్పటికీ విద్యార్థులు ఆందోళన నిర్వహిస్తున్నారు. రోహిత్‌ మృతికి కారణమైన కేంద్ర మంత్రులు స్మృతి ఇరానీ, బండారు దత్తాత్రేయ, హెచ్‌సియూ వైస్‌ ఛాన్స్ లర్‌ అప్పారావును తొలగించాలని డిమాండ్‌ చేస్తున్నారు. మరోవైపు రోహిత్‌ సూసైడ్‌ పట్ల అనుమానాలు వ్యక్తమవుతున్నాయి.

స్వచ్ఛమైన విద్యుత్‌ను అందించటంతో పాటు విద్యుత్‌ పంపిణీ సంస్థల (డిస్కం)పై మెరుగైన నియంత్రణ, రంగంలోకి వేగంగా పెట్టుబడులను ఆకర్షించే లక్ష్యంతో రూపొందించిన కొత్త విద్యుత్‌ టారిఫ్‌ విధానానికి కేంద్ర మంత్రివర్గం బుధవారం ఆమోదముద్ర వేసింది. స్వచ్ఛమైన విద్యుత్‌, డిస్కంలపై మెరుగైన నియంత్రణతో పాటు స్వచ్ఛబారత్‌ కార్యక్రమానికి మద్దతుగా రూపొందించిన విద్యుత్‌ టారిఫ్‌ విధానానికి కేబినెట్‌ ఆమోదం లభించిందని కేబినెట్‌ భేటీ అనంతరం ప్రభుత్వవర్గాలు వివరించాయి. 

దేశంలో అమలవుతున్న విద్యా వ్యతిరేక విధానాలపై నిరంతరం పోరాడుతూ, విద్యార్థి సమస్యలపై గలమెత్తే భారత విద్యార్థి ఫెడరేషన్‌(ఎస్‌ఎఫ్‌ఐ) 15వ అఖిల భారత మహాసభలు శుక్రవారం నుంచి నాలుగు రోజుల పాటు రాజస్థాన్‌లోని సికార్‌లో జరుగనున్నాయి. ఎస్‌ఎఫ్‌ఐ చరిత్రలోనే రాజస్థాన్‌లో తొలిసారిగా ఈ సభలు నిర్వహిస్తున్నట్లు ఆ విద్యార్థి సంఘం కేంద్ర కమిటీ సభ్యుడు నితీష్‌ నారాయణ్‌ ప్రజాశక్తికి వివరించారు.సిపిఎం ప్రధాన కార్యదర్శి సీతారాం ఏచూరి చేతులు మీదుగా ప్రారంభం కాబోయే బహిరంగ సభకు ముందు పదివేల మంది విద్యార్థులతో భారీ ప్రదర్శన నిర్వహించనున్నారు. 

ఎక్స్‌ప్రెస్‌ హైవే పేరుతో ఇళ్లను తొలగిస్తే ఊరుకునేది లేదని, అవసరమైతే చావడానికైనా సిద్ధమని తుళ్ళూరు గ్రామస్తులు సిఆర్‌డిఎ అధికారులను హెచ్చరించారు. మాస్టర్‌ప్లాన్‌పై గురువారం నిర్వహించిన సదస్సులో సిఆర్‌డిఎ ల్యాండ్స్‌ డైరెక్టర్‌ చెన్నకేశవులు, డిజైనింగ్‌ డైరెక్టర్‌ రాముడును గ్రామస్తులు నిలదీశారు. గ్రామకంఠా లపై స్పష్టతివ్వాలని, రైతులకు ప్లాట్లు ఎక్కడ కేటాయించేది మాస్టర్‌ప్లాన్‌లో చూపాలని డిమాండ్‌ చేశారు. ప్లాన్‌ను తెలుగులోకి అనువదించి మంత్రు లు, జిల్లా ఉన్నతాధికారుల సమక్షంలోనే సదస్సులు నిర్వహించాలని, లేకుంటే తాము అంగీకరించ బోమని తేల్చిచెప్పారు..