తుని ఘటనపై ప్రజలను వేధించ వద్దని టీడీపీ ప్రభుత్వానికి అమలాపురం మాజీ ఎంపీ జి.వి. హర్షకుమార్ సూచించారు. బుధవారం తూర్పుగోదావరి జిల్లా రాజమండ్రిలో జి.వి.హర్షకుమార్ మాట్లాడుతూ... అధికారం మారితే కేసులు మాఫీ అయిపోతాయన్నారు. ఇష్టారాజ్యంగా మాట్లాడ వద్దని టీడీపీ నేతలకు హర్షకుమార్ హితవు పలికారు.

సిపిఎం మినహా అన్ని రాజకీయ పార్టీలు రాష్ట్ర విభజనను కోరాయని, అన్యాయంగా రాష్ట్రాన్ని విభజించారంటూ గొంతు చించుకుంటున్న చంద్రబాబు రెండుసార్లు విభజనకు అనుకూలంగా లేఖలిచ్చారని సిపిఐ రాష్ట్ర కార్యదర్శి కె రామకృష్ణ గుర్తు చేశారు. ఈ విషయాన్ని మరుగుపడేసి, అన్యాయంగా రాష్ట్రాన్ని విభజించారంటూ ప్రజలను మోసగిస్తున్నారని విమర్శించారు.2008 అక్టోబర్‌ 18, తర్వాత 2012 డిసెంబర్‌ 27న ప్రణబ్‌ ముఖర్జీ, సుశీల్‌కుమార్‌ షిండేకు చంద్రబాబు ఇచ్చిన లేఖలను బహిర్గతం చేశారు. 

డాక్టర్‌ బిఆర్‌ అంబే ద్కర్‌ ప్రధానంగా ఆర్థిక శాస్త్రవేత.్త 1915లో కొలంబి యా యూనివర్సిటీలో 'ప్రాచీన భారత వాణిజ్యం'పై పరిశోధ నా పత్రాన్ని సమర్పించి ఎంఎ డిగ్రీని పొందారు. ఆయన అత్యంత శ్రమతో పరిశోధించిన 'నేషనల్‌ డివిడెండ్స్‌ ఆఫ్‌ ఇండియా' అనే పరిశోధనా గ్రంథాన్ని 1916 జూన్‌లో పిహెచ్‌డి కోసం కొలంబియా యూనివర్సిటీకి సమర్పించారు. ఈ గ్రంథం 'ది ఎవల్యూషన్‌ ఆఫ్‌ ప్రిన్సిపుల్‌ ఫైనాన్స్‌ ఇన్‌ బ్రిటిష్‌ ఇండియా' అనే పేరు మీద ప్రకటించబడింది. తరువాత లండన్‌ స్కూల్‌ ఆఫ్‌ ఎకనామిక్స్‌ అండ్‌ పొలిటికల్‌ సైన్సులో 1916 జూన్‌లో చేరారు.

కేంద్ర మానవ వనరుల శాఖ మంత్రి స్మృతి ఇరానీకి విజయవాడ విద్యార్థులు రాజ కీయ కోణంలో ప్రశ్నలు సంధించి ఝలక్‌ ఇచ్చారు. ఆమె విజయవాడ కెబిఎన్‌ కళాశాల విద్యార్థులతో మంగళవారం ఏర్పాటైన ముఖాముఖీలో పాల్గొన్నారు. ఈ సందర్భంగా ప్రత్యేక హోదా, విద్యా రంగంలో విదేశీ పెట్టుబడులు, వర్సిటీల్లో రాజకీయాలు తదితర అంశాలపై విద్యార్థులు పలు ప్రశ్నల వర్షం కురిపించారు. ఎన్నికల ముందు హామీ ఇచ్చిన ప్రత్యేక హోదాపై వెనకడుగు ఎందుకని శ్రీదుర్గ అనే ఎంసీఏ విద్యార్థిని మంత్రిని ప్రశ్నించారు. అది తన పరిధిలోని విషయం కాదని మంత్రి జవాబు దాట వేశారు. 

రాష్ట్ర విభజనతో ముఖ్యమంత్రి చంద్రబాబుకు హోదా వచ్చిందే తప్ప.. రాష్ట్రానికి మాత్రం ప్రత్యేక హోదా రాలేదని, పైగా తన కొడుక్కీ మంత్రిగా హోదా ఇచ్చేందుకు ప్రయత్నాలు సాగుతున్నాయని సిపిఎం పొలిట్‌బ్యూరో సభ్యులు బివి.రాఘవులు విమర్శించారు.