ప్రభుత్వ విద్యాలయాలలో పేద విద్యార్థులను నాణ్యంగా తీర్చి దిద్దేందుకు ఉపాధ్యాయ లోకం చేస్తున్న కృషిని ఉపాధ్యాయ దినోత్సవం సందర్భంగా అభినందిస్తున్నట్లు సిపిఎం రాష్ట్ర కార్యదర్శి వి.శ్రీనివాసరావు తెలిపారు. ఈ మేరకు సోమవారం ప్రకటన విడుదల చేశారు. కేంద్ర, రాష్ట్ర ప్రభుత్వాలు ప్రవేశపెట్టిన నూతన విద్యావిధానం వల్ల నేడు విద్యారంగం అస్తవ్యస్తంగా తయారైందని పేర్కొన్నారు. దీనిస్థానంలో శాస్త్రీయ విద్యా విధానం రావాలని, ప్రజలందరికీ నాణ్యమైన ఉచిత విద్య నందించాలని కోరారు.