గుల్బర్గ్‌ అల్లర్ల కేసులో దోషులకు శిక్ష విధించే అంశంపై జరుగుతున్న విచారణను ప్రత్యేక న్యాయస్థానం 17కు వాయిదా వేసింది. 2002లో గుజరాత్‌లోని గుల్బర్గ్‌లో జరిగిన మారణకాండకు సంబంధించి కోర్టు ఇటీవల 24 మందిని దోషులుగా నిర్ధారించిన సంగతి తెలిసిందే. వీరికి శిక్ష ఖరారు అంశంపై విచారణ జరుపుతున్న కోర్టు శుక్రవారం తీర్పు వెలువరించనున్నది. 

పలువురు భారతీయ యువకులు అల్ కాయిదా ఉగ్రవాదసంస్థ వైపు ఆకర్షితులవడానికి బాబ్రీ మసీదు విధ్వంసం(1992), గోద్రా అల్లర్లు(2002) కారణమని ఢిల్లీ పోలీసులు పేర్కొన్నారు. ఢిల్లీ అడిషనల్ సెషన్స్ జడ్జి కోర్టులో ఢిల్లీ పోలీస్ విభాగానికి చెందిన ప్రత్యేక విభాగం దాఖలు చేసిన  చార్జిషీట్‌లో ఈ విషయాన్ని పేర్కొంది.

పార్లమెంట్‌ వర్షకాలపు సమావేశాలు జూలై 18 నుంచి ఆగష్టు 12 వరకు జరిగే అవకాశాలు ఉన్నాయి. మూడు వారాల పాటు జరగబోయే ఈ సమావేశాల్లో దేశంలోని పేరుకుపోయిన సమస్యలపై చర్చిస్తారు. పార్లమెంట్‌ వ్యవహారాల సబ్‌ కమిటి సమావేశం తరువాత పార్లమెంటరీ వ్యవహారాల మంత్రిత్వ శాఖ సమావేశాలపై ప్రకటన చేయనున్నది.

గుల్బర్గా సొసైటీ ఊచకోత కేసులో దోషులకు ప్రత్యేక కోర్టు గురువారం శిక్షలు ఖరారు చేయనున్నది. ఈ కేసులో 24 మందిని కోర్టు దోషులుగా విడిచిపెట్టింది. గుజరాత్‌లో 2002లో జరిగిన ఘర్షణల సమయంలో కాంగ్రెస్‌ మాజీ ఎంపీ ఇషాన్‌ జాఫ్రీతో సహా 69 మంది ఊచకోతకు గురయ్యారు. ఈ కేసులో దోషులకు మరణ శిక్షకు తక్కువ కాని శిక్ష గాని, జీవిత ఖైదును గాని విధించాలని ప్రాసిక్యూషన్‌ కోర్టును కోరింది.