దేశంలోకి పెద్దఎత్తున పెట్టుబడులతో పాటు విదేశీ టూరిస్టులను ఆకట్టుకునేందుకు మోడీ సర్కార్‌ వీసా పాలసీని సరళీకరించాలని నిర్ణయించింది. పలు వీసా విభాగాలను ఏకీకృతం చేసేందుకు సంసిద్ధమైంది. బిజినెస్‌, టూరిస్టు, మెడికల్‌ వీసాను ఒక్కటిగా విలీనం చేసే ప్రతిపాదనకు హోంమంత్రిత్వ శాఖ సూత్రప్రాయంగా ఆమోదం తెలిపింది. 

పరిశ్రమ యాజమాన్యం తరఫున ర్యాలీలు చేసిన తెలుగుదేశం పార్టీ నాయకులు కార్మికులకు అన్యాయం జరిగినా పట్టించుకోకుండా ఏమయ్యారని సీపీఎం అనంతపురం జిల్లా కార్యదర్శి రాంభూపాల్ మండిపడ్డారు. శుక్రవారం స్థానిక సీఐటీయూ కార్యాలయంలో ఆయన విలేకరులతో మాట్లాడుతూ పరిగి మండలంలోని ఎస్‌ఏ రావతార్ పరిశ్రమ యాజమాన్యం చట్టాలు, రాజ్యాంగాన్ని ధిక్కరించి వ్యవహరిస్తున్నా అధికారులు పట్టించుకోకపోవడం దారుణమన్నారు. బాలకార్మిక చట్టానికి విరుద్ధంగా 10 ఏళ్ల లోపు చిన్నారులకు కూడా పని కల్పిస్తోందని మండిపడ్డారు.

హేతువాది గోవింద్‌ పన్సారే హత్య కేసులో అరెస్టు అయిన హిందూ గ్రూపు కార్యకర్త సమీర్‌ గైక్వాడ్‌పై అభియోగాల నమోదుపై విధించిన స్టేను బొంబాయి హైకోర్టు పొడిగించింది. బ్రిటన్‌ నుంచి ఫోరెన్సిక్‌ నివేదిక కోసం ప్రాసిక్యూషన్‌ వేచిచూస్తుండటంతో కోర్టు ఈ మేరకు ఉత్తర్వులు ఇచ్చింది.

అనంతపురం జిల్లా పాల ఉత్పత్తిదారులకు ఏపి పాడి పరిశ్రమాభివృద్ధి సహకార సమాఖ్య చెల్లించాల్సిన సుమారు రూ.14 కోట్ల బకాయిలు వెంటనే చెల్లించాలని సిపిఎం రాష్ట్ర కార్యదర్శి పి మధు డిమాండ్‌ చేశారు. సేకరణ ధర తగ్గింపును ఉపసంహరించుకోవాలని కోరారు. ఈ మేరకు సిఎం చంద్రబాబుకు శుక్రవారం ఆయన లేఖ రాశారు. వరుస కరవులతో అత్యంత వెనుకబడిన అనంతపురం జిల్లా లో ఆత్మహత్యలు, వలసలు నిరంతరం కొనసాగుతూనే ఉన్నాయని మధు ఆందోళన వ్యక్తం చేశారు. జిల్లాలో వ్యవసాయం తర్వాత చేనేత, పాడి పరిశ్రమ ప్రధాన జీవనా ధారంగా ఉందన్నారు.