మారిషస్ బ్యాంకుకు రూ. 106 కోట్ల రుణం ఎగవేత కేసుకు సంబంధించి కేంద్ర సైన్స్ అండ్ టెక్నాలజి శాఖ సహాయ మంత్రి వైఎస్ సుజనా చౌదరికి నాంపల్లి కోర్టు నాన్ బెయిలబుల్ అరెస్టు వారెంట్ జారీ చేసింది. కేసు విచారణలో భాగంగా వ్యక్తిగతంగా కోర్టుకు హాజరుకావాలని న్యాయస్థానం మూడుసార్లు ఆదేశాలు జారీ చేసినప్పటికీ హాజరుకాకపోవడంతో నాంపల్లి 12 వ అదనపు చీఫ్ మెట్రోపాలిటన్ మెజిస్ట్రేట్ గురువారం అరెస్టుకు ఉత్తర్వులు ఇచ్చారు.