రాజస్థాన్‌లోని సీకర్‌ జిల్లాలో భారత విద్యార్థి ఫెడరేషన్‌(SFI) నేతలపై ఆర్‌ఎస్‌ఎస్‌, బీజేపీ శక్తులు విరుచుకుపడ్డాయి. జనవరిలో నిర్వహించనున్న అఖిలభారత మహాసభలకు అడ్డంకులు సృష్టించడమే లక్ష్యంగా భయోత్పాతం సృష్టించాయి. ఈ దాడిలో సీకర్‌ ఎస్‌ఎఫ్‌ఐ జిల్లా కార్యదర్శి సుభాష్‌కు తీవ్ర గాయాలయ్యాయి. ఆయన తలకు 25 కుట్లుపడ్డాయి. అయితే సంఫ్‌ు శక్తులకు పోలీసులు తోడయ్యారు. ఫీజులు తగ్గించాలని అడగడమే నేరమైనట్టు.. దాడి చేసిన వారిపై చర్యలు తీసుకోవాలని అడగడమే తప్పయినట్టు.. సీపీఐ(ఎం) కార్యాలయంలోకి చొరబడి మరీ ఎస్‌ఎఫ్‌ఐ నాయకులను సోమవారం చితకబాదారు. 

రామమందిర నిర్మాణం కోసం హిందూత్వ శక్తులు చురుగ్గా కదులుతున్నాయి. వివాదం ఇంకా సుప్రీంకోర్టు విచారణలో ఉంది కాబట్టి ఇక్కడ నిర్మాణ పనుల్ని చేపట్టడం చట్టవిరుద్ధమైనప్పటికీ అవి తమ ఇష్టారాజ్యంగా వ్యవహరిస్తున్నాయి. తాజాగా, గత ఆదివారం నాడు ఇక్కడి కార్‌సేవక్‌పురంకు 20 టన్నుల రాళ్లను తరలించారు. రాజస్థాన్‌ నుంచి రెండు ట్రక్కుల్లో ఈ రాళ్లను తీసుకొచ్చారు. అంతే కాకుండా, వీహెచ్‌పీ 'శిలాపూజ' కూడా నిర్వహించిందని సోమవారం వార్తలు వెలువడ్డాయి.

నిర్భయ కేసులో బాల నేరస్థుడి విడుదలకు సంబంధించిన అంశంపై సిపిఎం జాతీయ ప్రధాన కార్యదర్శి సీతారాం ఏచూరి స్పందించారు. దీనిపై కొందరు బాలనేరస్థుడి వయసు 18 నుంచి 16 ఏళ్లకు తగ్గించాలన్న ప్రతిపాదనను ఏచూరి వ్యతిరేకించారు. ఒకవేళ 15 ఏళ్ల 9 నెలల బాలుడు నేరం చేస్తే అపుడు ఎలాంటి చర్యలు తీసుకుంటారని ప్రశ్నించారు. ఇక్కడ వయసు ప్రధానం కాదని, నేర తీవ్రతపై శిక్ష పడేలా చట్టాన్ని రూపొందించాలని ఏచూరి అభిప్రాయ పడ్డారు.

 కడప జిల్లాలో ఉక్కు పరిశ్రమ స్థాపన, రాయలసీమకు ప్రత్యేక ప్యాకేజీ, సాగునీటి ప్రాజెక్టుల పూర్తి కోసం సిపిఎం ఆధ్వర్యంలో చేపట్టిన కలెక్టరేట్‌ ఎదుట ఆందోళన ఉద్రిక్తంగా మారింది. ఉక్కు పరిశ్రమ ఏర్పాటుపై నెలకొన్న గందరగోళంపై కలెక్టర్‌ సమాధానం చెప్పాలని నినదించారు. కలెక్టర్‌ తీరును నిరసిస్తూ వాహనాన్ని కదలకుండా సిపిఎం శ్రేణులు భైఠాయిం చాయి. ప్రత్యేక పోలీసు బృందాలను రప్పించారు. ఈ బృం దాలు కలెక్టరేట్‌లోకి చేరుకున్న వెంటనే ఉద్యమకా రులను చెదరగొట్టేందుకు ప్రయత్నించారు.కలెక్టర్‌ సభాభవన్‌లోని గ్రీవెన ్‌సెల్‌ కార్యక్రమంలో ఉన్నప్పటికీ స్పందించక పోవడం పట్ల నాయకులు ఆగ్రహం వ్యక్తం చేశారు.